[caption id="attachment_52152" align="aligncenter" width="560"] فوتو: espanarusa.com[/caption]
يسپانيادا كۇنگە ارنالعان WeOn كوزىلدىرىگى شىعارىلدى. جاڭا زاتتىڭ ءبىر ەرەكشەلىگى – سەلفي فوتوعا ءتۇسۋ ءۇشىن قۇراستىرىلعان. espanarusa.com اقپارىنا سايكەس, يمەك تۇسىنداعى ەكى باتىرماسى ارقىلى سمارتفونداردى ءتىپتى, 60 مەتر قاشىقتىقتان باسقارۋعا بولادى ەكەن.
«ءبىز سەلفيگە ءتۇسۋدىڭ جاڭاشا جولدارىن ويلاپ تاپتىق. كوزىلدىرىك كوپشىلىك ءۇشىن ۇيرەنشىكتى ءارى قاجەتتى زات. جاڭا اكسەسسۋار ارقىلى فوتوعا ءتۇسۋىڭىز الدەقايدا جەڭىلدەيدى. بۇرىنعىداي مونوپود, «سەلفي-تاياقشا» سىندى قۇرىلعىلاردى تاسىپ اۋرە بولمايسىز», – دەدى WeOn كومپانياسىنىڭ نەگىزىن قالاعانداردىڭ ءبىرى سانتياگو امبيت.
ونىڭ اينەگى پوليكاربوناتتان جاسالعان. وتە مىقتى, ساپاسى دا جوعارى ءارى جەڭىل. ال فوتوعا ءتۇسۋ بارىسىندا تەلەفوننىڭ قۇلاپ قالماي, ىڭعايلى كۇيدە تۇرۋى ءۇشىن ماماندار ارنايى جاپسىرمالارىن قوسا ويلاپ شىعارعان.
كومپانيا باسشىلىعى قارجى ماسەلەسىن رەتتەپ العاننان كەيىن ەرەكشە اكسەسسۋاردى كوپتەپ شىعارماق. مالىمەتتەر بويىنشا, ونىڭ باعاسى 29-39 ەۋرونىڭ اينالاسىندا بولادى.
ايان ءابدۋالي