● قازاقستاننىڭ حالىقارالىق رەزەرۆى 2016 جىلدىڭ 1 شىلدەسىندەگى جاعداي بويىنشا 96,2 ملرد. دوللاردى قۇرادى. 2016 جىلعى قاڭتار-مامىردا ەكونوميكاعا ەكىنشى دەڭگەيلى بانكتەردىڭ جاڭادان بەرگەن نەسيەلەرىنىڭ كولەمى 3,7 ترلن. تەڭگەنى قۇرادى, بۇل – ءوتكەن جىلدىڭ سايكەس كەزەڭىمەن سالىستىرعاندا 6,7 پايىزعا ارتىق.
● بيىل اۋىل شارۋاشىلىعىنىڭ جالپى ءونىمى 2,7 پايىزعا ءوستى. ال قايتا وڭدەۋ سالاسىنداعى ءوسىم 2,8 پايىزدى قۇراپ وتىر. سونداي-اق, مال باسىنىڭ 3,4 پايىزعا ارتقانى بايقالادى.
● ەلىمىزدە تاۋەلسىزدىك جىلدارىندا پوليوميەليتپەن سىرقاتتانۋ كورسەتكىشى 5 ەسەگە دەيىن تومەندەدى. دەنساۋلىق ساقتاۋ جانە الەۋمەتتىك دامۋ مينيسترلىگىنىڭ مالىمەتى بويىنشا, 2011 جىلدان بەرى رەسپۋبليكادا بىردە-ءبىر پوليوميەليت جاعدايى تىركەلمەگەن, ال 1991 جىلى 5 جاعداي تىركەلگەن بولاتىن.
● ساعاتىنا 200 شاقىرىم جىلدامدىقپەن جۇرە الاتىن «KZ4AT» ەلەكتروۆوزى كيىك-مويىنتى جول تەلىمىندە سىناقتان وتكىزىلدى. جاڭا ۇلگىدەگى ءبىر سەكتسيالى كوپ ءمىندەتتى اتقارا الاتىن لوكوموتيۆ قازاقستان تەمىرجولىندا رەكوردتىق جىلدامدىقپەن ءجۇرىپ ءوتتى. سىناققا قاتىسقان لوكوموتيۆ بريگاداسى جاڭا ەلەكتروۆوزدىڭ ءمۇمكىندىگىن جوعارى باعالادى.
● وڭتۇستىك قازاقستان وبلىسىنىڭ ديقاندارى بۇگىنگە دەيىن 600 مىڭ تونناعا جۋىق كوكونىس پەن باقشا ونىمدەرىن جينادى. وبلىستان نەگىزىنەن ەكسپورتقا كارتوپ, كوكونىس, باقشا, بيداي, ۇن, بالىق جانە بالىق ونىمدەرى, وسىمدىك مايى, قۇس ەتى جانە ماقتا تالشىقتارى شىعارىلادى.
● جامبىل وبلىسىندا شىعارىلاتىن ءسۇت ونىمدەرى رەسپۋبليكانىڭ بارلىق ايماعىندا سۇرانىسقا يە. جەرگىلىكتى حالىقتان تازا ءسۇتتى قابىلداپ, ودان سارى ماي, ىرىمشىكتىڭ بىرنەشە ءتۇرىن وندىرەتىن جانە الكوگولسىز «ديۋشەس», «بۋراتينو», «كۆاس» سىندى سۋسىنداردى شىعاراتىن بۇل مەكەمەدە 15 جۇمىسشى قىزمەت ەتەدى.
● بيىل سولتۇستىك قازاقستان وبلىسىندا قۇرىلىس كولەمى 5,8 پايىزعا ءوستى. 38,4 مىڭ شارشى مەتردى قۇرايتىن 289 پاتەر پايدالانۋعا بەرىلدى. 2016 جىلدىڭ قاڭتار-ماۋسىم ايلارىندا ەنگىزىلگەن تۇرعىن ءۇي كولەمى 121,8 پايىزدى قۇرادى.
● اقتوبەدە قۇنى 1,3 ملرد. تەڭگە بولاتىن جاستار سارايىنىڭ قۇرىلىسى ءجۇرىپ جاتىر. وبلىس اكىمدىگى مەن «سنپس-اقتوبەمۇنايگاز» 2016 جىلعا ءوزارا ىنتىماقتاستىق جونىندە مەموراندۋمعا قول قويدى. قۇجاتتى ءوڭىر باسشىسى بەردىبەك ساپارباەۆ پەن «سنپس-اقتوبەمۇنايگاز» اق باس ديرەكتورى ۆان تسزيۋنجەن بەكىتتى.
حابارلار ۇكىمەت, وبلىستىق اكىمدىكتەر سايتتارى, «قازاقپارات» اگەنتتىگى, «حابار» تەلەارناسى ماتەريالدارى بويىنشا دايىندالدى