[caption id="attachment_52066" align="aligncenter" width="560"] egemen.kz[/caption]
بۇگىنگى تاڭدا پروكۋراتۋرانىڭ شتات سانى 5,5 مىڭنان اسادى, دەگەنمەن, سونىڭ وزىندە 180 بوس لاۋازىم بار, دەپ حابارلادى باس پروكۋراتۋرانىڭ ءباسپاسوز قىزمەتى.
«مەن ءوزىمىزدىڭ ماقساتىمىزدى تەرەڭىنەن اشىپ ايتايىن, ول – ۇمىتكەرلەردىڭ ەڭ ۇزدىگىن ىرىكتەۋ بولىپ تابىلادى. قازىرگى كەزدە قالىپتاسقان جۇيەنى ەسكەرە وتىرىپ, باس پروكۋرور وسى جىلدىڭ ءساۋىر ايىندا قىزمەتكە قابىلداۋعا موراتوري جاريالادى. كادر قىزمەتىنىڭ الدىنا كەلەشەك پروكۋروردى ساپالى تۇردە باعالاۋعا جانە «ادامي فاكتورلاردى» بولدىرماۋعا مۇمكىندىك بەرەتىن تاسىلدەردى ىرىكتەۋ جۇيەسىنە تەز ارادا ەنگىزۋ تۋرالى مىندەت قويدى, – دەدى باس پروكۋراتۋرانىڭ كادر جۇمىسى دەپارتامەنتىنىڭ باستىعى الەكساندر وگاي. – بۇل ماسەلەدە بىزگە نازارباەۆ ۋنيۆەرسيتەتى, سونىمەن بىرگە PricewaterhouseCoopers, Deloitte ي Ernst & Young LLP ءتارىزدى اتتارى الەمگە تانىمال كونسالتينگتىك كومپانيالار عىلىمي جانە ادىستەمەلىك كومەك كورسەتتى. سونداي-اق ولار بىزگە كانديداتتاردى باعالاۋ ءۇشىن وزدەرىنىڭ ساراپشىلارىن ۇسىنىپ وتىر».
قولدانىستاعى ەرەجەگە سايكەس پروكۋراتۋراعا قىزمەتكە قابىلداۋ پروتسەسى 2 كەزەڭنەن تۇرادى: ءبىرىنشىسى – ىرىكتەۋ, بۇل كەزەڭدە كانديدات زاڭناما بويىنشا تەست تاپسىرادى, مەديتسينالىق كوميسسيادان جانە ۇلتتىق قاۋىپسىزدىك ورگاندارىنىڭ ارنايى مىندەتتى تەكسەرۋىنەن وتەدى.
ەكىنشى كەزەڭ – كونكۋرس, مۇندا كانديداتپەن الدىن الا اڭگىمەلەسۋ جۇرگىزىلەدى جانە ول 10 جۇمىس كۇنى ىشىندە تاعىلىمدامادان وتەدى. وسى تاعىلىمدامانىڭ بارىسىندا جەتەكشى بەرگەن ءتۇرلى تاپسىرمالاردى ورىنداي وتىرىپ, ءىس جۇزىندە ءوزىنىڭ باسقا ۇمىتكەرلەردەن ارتىقشىلىعىن دالەلدەۋگە مۇمكىندىك الادى.
تاعىلىمدامانىڭ تاجىريبەلىك ماڭىزى ەسكەرىلىپ, ورىندالعان تاپسىرمالاردىڭ ناتيجەسى بويىنشا كانديداتتى نەعۇرلىم جان-جاقتى باعالاۋ ماقساتىندا جاڭا تاسىلدەردى ەنگىزۋگە شەشىم قابىلداندى. ولار: ءوزىنىڭ ومىرلىك تاجىريبەسىن جازۋ; ەسسە جازۋ; كەيستىك (احۋالدىق) تاپسىرمالاردى شەشۋ; پسيحولوگيالىق تەستىلەۋ جانە پسيحولوگپەن اڭگىمەلەسۋ.
بۇل تاپسىرمالار تاعىلىمدامانىڭ العاشقى كۇنى پروكۋراتۋرالاردىڭ ارنايى بولمەلەرىندە ورىندالاتىن بولادى, ول جەردە بەينە جانە دىبىستىق جازبا جۇرگىزىلەدى. كەز-كەلگەن ەلەكتروندىق قۇرىلعىلاردى جانە «شپارگالكا» پايدالانۋعا تىيىم سالىنادى. ورىندالعان جۇمىستار پلاگياتقا تەكسەرىلەدى, ورىنداۋ پروتسەسى كومپيۋتەردىڭ جانە كادر قىزمەتى وكىلىنىڭ باقىلاۋىندا بولادى.
ايدار ورىسباەۆ
[caption id="attachment_52067" align="aligncenter" width="560"] prokuror.gov.kz[/caption]