[caption id="attachment_52059" align="aligncenter" width="560"] فوتو: enki.ua[/caption]
گەرمانيانىڭ Mercedes اۆتوكومپانياسى جاقىندا جۇرگىزۋشىسىز جۇرەتىن CityPilot اۆتوبۋسىن سىناقتان وتكىزدى.
سىناق بارىسىندا كولىك بەلگىلەنگەن 20 شاقىرىمدى ءجۇرىپ ءوتتى. كومپانيانىڭ حابارلاۋىنشا, قوعامدىق كولىك جۇرگىزۋشىنىڭ كومەگىنسىز تۋننەلدەردى, بۇرىلىستاردى, بىرنەشە جاياۋ وتپە جولدارىن ەرەجە بۇزباستان اينالىپ شىققان.
CityPilot ارنايى Daimler Highway Pilot تەحنولوگياسى ارقىلى قۇرىلعان. russian.rt.com اقپارىنا سايكەس, بۇل تەحنولوگيا وسىعان دەيىن جۇك كولىكتەرىنە دە ورناتىلعان ەكەن. ۆيدەوكامەرا ورناتىلعان اۆتوبۋس جۇرگىنشىلەر جولىن, كوشە قيىلىستارىن, باعدارشام بەلگىلەرىن جانە وزگە دە جول ەرەجەلەرىن ساقتاۋعا قابىلەتتى.
ايتا كەتەيىك, وسىدان بىرەر اپتا بۇرىن جاپونيادا وسىعان ۇقساس شاعىن اۆتوبۋستار شىعارىلعان. وزدىگىنەن قوزعالاتىن, 12 ادامعا ارنالعان قوعامدىق كولىكتەر سىناقتان ءوتتى. ول ساعاتىنا 40 شاقىرىم جىلدامدىقپەن ءجۇرىپ, GPS ناۆيگاتسياسى ارقىلى ارتقا قاراي قوزعالادى.
ايان ءابدۋالي