«ساقتانساڭ, ساقتايمىن» دەگەن بەكەر ايتىلماعان عوي... تاراز قالاسىنىڭ تۇرعىنى جامبىل اۋدانى, ءشولدالا اۋىلىنداعى ساياجايىنا كەتىپ بارا جاتىپ, جول-جونەكەي پروپان گازى تولتىرىلعان ەكى باللون ساتىپ الىپتى. ەكەۋىن دە جۇكسالعىشقا ارتىپ, ءبىراز جول جۇرگەننەن كەيىن كولىك سالونىندا سۇيىق گازدىڭ ءيىسى شىعىپ جاتقانىن بايقاعان. توقتاي قالىپ تەكسەرىپ كورەدى. پالەندەي اقاۋ جوق. ءبارى دۇرىس سياقتى. ەكى باللوننىڭ دا اۋىزىن جاقسىلاپ بەكىتىپ, ساپارىن ءارى قاراي جالعاستىرادى.
بىراق كوپ ۇزاماي-اق جۇكسالعىشتان ءورت لاپ ەتە قالادى. ءجۇرگىزۋشى ءورتتى ءسوندىرۋدىڭ بار امالىن جاسايدى, بىراق بىرتە-بىرتە كۇشەيىپ, ءتىلسىز جاۋ بۇكىل سالونعا جايىلعان. ابىروي بولعاندا, جامبىل اۋداندىق ءىىب مەن توتەنشە جاعدايلار جونىندەگى قىزمەت بريگاداسى جەدەل جەتىپ, كولىكتىڭ قاتتى جالىننان جارىلىپ كەتۋىنە جول بەرمەدى.
ورالحان ءداۋىت,
«ەگەمەن قازاقستان»
جامبىل وبلىسى