[caption id="attachment_51975" align="aligncenter" width="560"] فوتو: facebook.com[/caption]
بياتلوننان وليمپيادانىڭ سەگىز دۇركىن چەمپيونى, نورۆەگ ۋلە-ەينار بورندالەن مەن وليمپيادانىڭ ءۇش دۇركىن چەمپيونى, بەلورۋس داريا دومراچەۆا ۇيلەندى.
ەكەۋى 2010 جىلى كانادانىڭ ۆانكۋۆەر قالاسىندا وتكەن قىسقى وليمپيالىق ويىنداردا تانىسقان ەكەن. بۇعان دەيىن بورندالەن ءبىر رەت ۇيلەنگەن بولاتىن. ول 2006 جىلى يتاليان بياتلونشىسى ناتالي سانتەرگە ۇيلەنىپ, 2012 جىلى جۇبى جاراسپاي اجىراسىپ كەتكەن. ال دومراچەۆاعا ۇيلەنگىسى كەلەتىنى تۋرالى ول جاقىندا ايتقان. وسى جىلدىڭ ءساۋىر ايىندا facebook الەۋمەتتىك جەلىسىندەگى جەكە پاراقشاسىندا بەلورۋس قىزىنىڭ وزىنەن بالا كۇتىپ وتىرعانىن حابارلاعان.
بورندالەن facebook الەۋمەتتىك جەلىسىندەگى جەكە پاراقشاسىندا بەلارۋس بياتلونيسىنە ۇيلەنگەنى تۋرالى ءسۇيىنشى سۇراپ, ەكەۋىنىڭ فوتوسىن سالىپ قويىپتى. وندا استىنا «قانداي تاماشا كۇن!» دەگەن قولتاڭباسىن قالدىرۋدى دا ۇمىتپاپتى.
نورۆەگ سپورتشىسى وليمپيادا تاريحىنداعى ەڭ مەدال العان بياتلونشى. ال دومراچەۆا قىسقى ويىنداردا ەڭ كوپ جۇلدە جەڭىپ العان سپورتشى. 2014 جىلى سوچي وليمپياداسىندا ول ءۇش جارىستا چەمپيون اتاندى. وسى جەڭىسى ءۇشىن وعان «بەلارۋس باتىرى» دەگەن اتاق بەرىلدى. 2004 جىلعا دەيىن داريا دومراچەۆا رەسەي ازاماتى بولعان.
داستان كەنجالين