[caption id="attachment_51263" align="aligncenter" width="560"] فوتو: sports.kz[/caption]
«استانا» كلۋبىنىڭ باس جاتتىقتىرۋشىسى ستانيمير ستويلوۆ ۋەفا چەمپيوندار ليگاسىنىڭ ەكىنشى كەزەڭىندە ليتۆانىڭ «جالگيريس» كومانداسىمەن بولعان ويننىڭ ناتيجەسىن ايتىپ بەردى. بۇل تۋرالى egemen.kz سايتىنىڭ رەداكتسياسىنا «استانا» فۋتبول كلۋبىنىڭ ءباسپاسوز قىزمەتى حابارلادى.
—ويىن تۋرالى نە ايتاسىز؟
– كەزدەسۋ 0:0 ەسەبىمەن اياقتالدى. بۇل ەكى كوماندانىڭ كەلەسى كەزەڭگە شىعۋىنا مۇمكىندىك بەرەدى. ءبىزدىڭ كوماندا كەلەسى ويىندا جاقسى ويناۋ كەرەك. وسى ماتچتا كوماندانىڭ ويىنعا دەگەن كوزقاراسى ۇناعان جوق. ءبىز چەمپيوندار ليگاسىنىڭ تالابىنا ساي ويناي المادىق.
— سىز «جالگيريسكە» سوڭعى مينۋتتاردا ساتتىلىك جەتىسپەدى دەپ ويلايسىز با؟
— يا. «جالگيريسكە» ساتتىلىك جەتىسپەدى. ولار ءبىزدىڭ قاقپاعا گول سوعىپ كەتە جازدادى. دەگەمەن ويىننىڭ ناتيجەسىمەن كەلىسەمىن.
— ازات نۇرعاليەۆ نەگە نەگىزگى قۇرامدا بولمادى؟
— بۇل تۋرالى ايتقىم كەلمەيدى. ونى ويىنعا تىركەۋ كەزىندە قاتەلىكتەر كەتتى. مەن وسىعان ءتىپتى ۇيالامىن.ءبىز وعان ۇمىتتەنىپ ەدىك.
— ەكىنشى تايمدا «استانا» ءبىرىنشى تايمداعىداي جاقسى وينامادى عوي.
— مەن ولاي ويلامايمىن. ەكى تايمدا دا بىردەي وينادىق. ەگەر تاعى وسىلاي ويناساق, چەمپيوندار ليگاسىمەن قوشتاسۋىمىز مۇمكىن. چەمپيوندار ليگاسىندا بۇلاي ويناماۋ كەرەك. وعان ارينە, ءوزىم كىنالىمىن.
— ەندى كەلەسى ماتچتا «استانانىڭ» ويىنى قالاي بولادى؟
— بىزدىڭ قوسالقى قۇرامدا جاقسى ويىنشىلار بار. وسى كەزدەسۋدە ءبىز سولاردى 50 پايىزعا پايدالاندىق. كەلەسى ويىندا جانكۇيەرلەردىڭ قولداۋى كەرەك. بۇگىن «جالگيريس» جاقسى وينادى.
داستان كەنجالين