[caption id="attachment_51190" align="aligncenter" width="560"] فوتو: ng.kz[/caption]
اليمەنتتەن قاشقان رەسەيلىك ازاماتتى شەكاراشىلار ءۇي وزەنىنەن ۇستادى.
اليمەنت قارىزى 92 مىڭ رۋبل (478 مىڭ تەڭگە) بولعان ازاماتتى چەليابى وبلىستىق سوتى رەسەيدەن سىرت جەرگە شىعۋعا تىيىم سالعان. ng.kz سايتىنىڭ اقپارى بويىنشا كورشى قازاقستانعا كەتۋ ءۇشىن شەكارادان وتكىزبەيتىنىن بىلگەن قارىزدار اكە قوستاناي مەن چەليابى وبلىستارىن ءبولىپ تۇرعان ءۇي وزەنىنەن ءجۇزىپ, شەكارا اسپاقشى بولىپتى. ونى رەسەيلىك شەكاراشىلار ءجۇزىپ بارا جاتقان جەرىنەن سۋدان شىعارىپ الىپتى.
قارىزدار اكەنىڭ شەكارا بۇزعانى ءۇشىن ۇستىنەن قىلمىستىق ءىس قوزعالدى. ونى ەندى 200 مىڭ رۋبل ايىپپۇل نەمەسە ەكى جىل باس بوستاندىعىنان ايىرۋ جازاسى كۇتىپ تۇر.
ءنازيرا جارىمبەتوۆا