عارىش قىزمەتى – قالا قاۋىپسىزدىگىنە

«الماتى – ءومىر ءسۇرۋ مەن بيزنەس جاساۋ ءۇشىن قولايلى قالا» اتتى V يننوۆاتسيالىق فورۋم ءوتتى   فورۋم بارىسىنداعى جۇرت ەرەكشە نازار اۋدارعان ءبىر جايت – «قازاقستان عارىش ساپارى» ۇلتتىق كومپانياسى» اكتسيونەرلىك قوعامى مەن الماتى قالاسىنىڭ توتەنشە جاعدايلار دەپارتامەنتى اراسىندا الماتى قالاسىنداعى توتەنشە جاعدايلاردى الدىن الا ەسكەرتۋ ءۇشىن عارىش تەحنولوگياسىن پايدالانۋ تۋرالى كاسىبي كەلىسىمگە قول جەتكىزۋ ەدى. اتالعان ىنتىماقتاستىقتىڭ جەمىسى تۋرالى ايتار بولساق, بۇدان بىلاي تاۋلى اۋماقتار مەن وزەن-كولدەردەگى سۋ دەڭگەيىنىڭ ارتۋى مەن ۇلعايۋىن قازىرگى زامانعى عارىشتىق ءتاسىل – الدىن الا ەسكەرتۋ ادىستەرى ارقىلى-اق بىلۋگە مۇمكىندىك بەرەدى. «قازاقستان عارىش ساپارى» ۇلتتىق كومپانياسى» اق-تىڭ عارىش جۇيەسىن قۇرۋ جانە پايدالانۋ جونىندەگى ۆيتسە-پرەزيدەنتى عارىشكەر-سىناۋشىسى, اۆياتسيا گەنەرال-مايورى ا.ايىمبەتوۆ پەن ىشكى ىستەر مينيسترلىگى توتەنشە جاعدايلار كوميتەتى الماتى قالاسى توتەنشە جاعدايلار دەپارتامەنتىنىڭ باستىعى – ورتكە قارسى قىزمەت گەنەرال-مايورى س.اۋباكىروۆ قالا تۇرعىندارى ءۇشىن اسا ماڭىزدى مەموراندۋمعا قول قويدى. كەزدەسۋگە قاتىسىپ ءسوز سويلەگەن الماتى قالاسىنىڭ اكىمى باۋىرجان بايبەك «قالا باسشىلىعىنىڭ سەرۆيستىك قالادان يننوۆاتسيالىق قالاعا ءوتۋ ءۇشىن» كۇش سالىپ جات­قانىن ايتتى. «بۇگىنگى كۇننىڭ باستى مىندەتى يننوۆاتسيالىق ەكوجۇيە ءۇشىن بارىنشا جاعداي جاساۋ بولىپ تابىلادى», دەدى قالا اكىمى. فورۋمدا «Startup Kazakhstan» باعدارلاماسى تانىستىرىلىپ, ونىڭ ومىردە ىسكە قالاي جۇزەگە اساتىن ءساتى كورسەتىلدى. سونداي-اق, الەمنىڭ اۋزىن ايعا بىلەگەن جەتەكشى ساراپشىلارىمەن بىرگە قالا ءومىرىنىڭ اسا ماڭىزدى الەۋمەتتىك-ەكونوميكالىق, تۇرمىستىق ماسەلەلەرىن وڭ شەشۋ ءۇشىن يننوۆاتسيالىق تەحنولوگيالاردى قولدانۋ جايى دا كەڭىنەن تالقىلاندى. باۋىرجان بايبەك الماتى قالاسى مەن قالا باسشىلارىنىڭ مىندەتى تۇرعىندارعا تەك قانا الەۋمەتتىك قىزمەت كورسەتۋ ىسىمەن شەكتەلىپ قالمايتىنىن ەرەكشە ەسكەرتتى. بۇگىنگى تاڭدا ۇلكەن شاھاردىڭ الدىندا شاعىن جانە ورتا بيزنەستى ودان ءارى دامىتۋ, ينۆەستورلاردى كەڭىنەن تارتۋ سەكىلدى كەڭ ءورىستى جوبالار تۇر. ارينە, ەڭ الدىمەن الىپ مەگاپوليستىڭ تابيعات قاۋىپسىزدىگىنە ەرەكشە ءمان بەرىلەدى. دەمەك, عارىشتىق وزىق تەحنولوگيا­لاردى حالىق يگىلىگى ءۇشىن كەڭىنەن تارتۋدىڭ كۇن تارتىبىندە الدىڭعى كەزەكتەن ورىن الۋى دا تەكتەن-تەك ەمەس. فورۋمعا قاتىسۋشىلار ۋاقىت كوشى مىندەتتەگەن ءومىر تالابىنا ساي ورتاق ءبىر مامىلەگە كەلىپ, قۇلشىنىسپەن تارادى. تالعات ءسۇيىنباي, «ەگەمەن قازاقستان» الماتى