ەلىمىز تاۋەلسىزدىك العان كەزدە اسكەري اۆياتورلاردى دايىنداۋ جۇمىستارى اقتوبە قالاسىنداعى ازاماتتىق اۆياتسيا جوعارى ۇشۋ ۋچيليششەسىنىڭ بازاسىندا باستالدى. 1994 جىلى ۋچيليششەنىڭ جانىنان ااك-ءتىڭ اسكەري فاكۋلتەتى قۇرىلىپ, كۋرسانتتاردى ىرىكتەۋ جۇمىسى ءوتتى.
قازاقستان قارۋلى كۇشتەرىنىڭ اۋە كۇشتەرىنە اۆياتسيالىق ماماندار قاجەت بولعان سوڭ, اتالعان وقۋ ورنى ۇشقىشتاردى 4 ينجەنەرلىك جانە
4 ۇشۋ ماماندىعى بويىنشا دايىنداۋدى باستادى. وسى ءبىلىم ورداسىنان 1998 جىلدىڭ 22 تامىزىندا العاشقى اۆياتورلار ومىرگە جولداما الدى. وعان ەلباسى – قازاقستان رەسپۋبليكاسى قارۋلى كۇشتەرىنىڭ جوعارعى باس قولباسشىسى نۇرسۇلتان نازارباەۆ قاتىستى. 2003 جىلى ۋچيليششە اۋە قورعانىسى كۇشتەرىنىڭ اسكەري ينستيتۋتى بولىپ قايتا اتالدى.
وتكەن 20 جىلدا اسكەري وقۋ ورنىنان 2000 تۇلەك ماماندىق الىپ, ۇشقىش نۇسقاۋشىلار ياك-18ت, ان-2, مي-8, ل-39, ان-26, ەس-145 سياقتى ۇشاقتاردى يگەردى. جوو-نىڭ ءبىرشاما تۇلەگى ءارتۇرلى ەلدەردىڭ قارۋلى كۇشتەرى اسكەري-اۋە كۇشتەرىنىڭ ءارتۇرلى حالىقارالىق جارىستارىندا, سونداي-اق اۆياتسيالىق ونەر كورسەتۋدە ەلىمىزدىڭ نامىسىن لايىقتى تۇردە قورعاپ ءجۇر.
داستان كەنجالين,
«ەگەمەن قازاقستان»