قورعانىس مينيسترلەرىنىڭ كەڭەسى

استانادا شانحاي ىن­تى­ماقتاستىق ۇيى­مىنا مۇشە مەملەكەت­تەر قورعانىس مينيستر­لەرى­نىڭ كەزەكتى كەڭەسى ءوتتى. كەڭەسكە قازاقستان رەس­پۋب­­لي­كاسىنىڭ قورعانىس ءمينيسترى يمانعالي تاس­ما­عامبەتوۆ, قى­تاي حالىق رەس­پۋبليكاسى مەم­لە­كەتتىك كەڭەسىنىڭ مۇشەسى – قور­عانىس ءمينيسترى گەنەرال-پولكوۆ­نيك چان ۆانتسيۋان, رەسەي فەدە­را­تسياسىنىڭ قورعانىس ءمينيسترى ارميا گەنەرالى سەرگەي شويگۋ, تاجىكستان رەسپۋبليكاسىنىڭ قور­عانىس ءمينيسترى, گەنەرال-لەيتەنانت شەرالي ميرزو, وزبەكستان رەس­پۋبليكاسى قورعانىس مينيستر­ىنىڭ ءبىرىنشى ورىنباسارى – قور­عانىس مينيسترلىگى باس شتابى­نىڭ باستىعى, گەنەرال-لەيتەنانت شاۆكات نورماتوۆ قاتىستى. سون­داي-اق, كەڭەسكە شىۇ باس حات­شىسىنىڭ ورىنباسارى سابىر يماندوسوۆ پەن شىۇ وڭىرلىك لاڭكەستىككە قارسى قۇرىلىمى اتقارۋ كوميتەتى ديرەكتورىنىڭ ورىنباسارى چجوۋ تسين قاتىستى. كەزدەسۋ بارىسىندا قور­عانىس ۆەدومستۆولارىنىڭ باسشىلارى حالىقارالىق جانە وڭىرلىك قاۋىپسىزدىكتىڭ وزەكتى ماسەلەلەرى بويىنشا پىكىر الماسىپ, بۇل سالادا شىۇ مەملەكەتتەرى اراسىنداعى ءوزارا تۇسىنىستىكتىڭ جوعارى دەڭگەيىن اتاپ ءوتتى. حالىقارالىق تەرروريزم مەن وڭىرلىك ەكسترەميزمنىڭ ءورشۋ قاۋىپ-قاتەرى جاعدايىندا قورعانىس ۆەدومستۆولارىنىڭ باسشىلارى ۇيىمنىڭ كەڭىس­تىگىندە تۇراقتىلىق پەن قاۋىپ­سىزدىكتى نىعايتۋدا ۇيلەستىرىلگەن بىرلەسكەن ءىس-قيمىلدىڭ ماڭىز­دىلىعىن ەرەكشە اتادى. وسىعان وراي, قورعانىس ۆە­دومس­تۆولارىنىڭ باسشىلارى قاۋىپ­سىزدىكتى قامتاماسىز ەتۋ جانە شىۇ-عا مۇشە مەم­­لەكەتتەردىڭ جانىن­داعى شەكا­را­لاردان اسكەري قاۋىپ-قاتەر­لەرگە قارسى ءىس-قيمىل, سونداي-اق, جەدەل اقپارات الماسۋ بو­يىنشا قور­عانىس ۆەدومستۆو­لارىنىڭ ىنتى­ماق­­تاستىعىن دامىتۋ ماسەلەلەرى جونىندە ۇيلەستىرىلەتىن كون­سۋل­تاتيۆتىك تەتىكتەردى جەتىل­دىرۋگە ۋاعدالاستى. كەڭەسكە قاتىسۋشىلار بەي­­بىت­­­شىلىكتى, تۇراقتىلىق پەن قاۋىپ­سىز­دىكتى نىعايتۋ ءما­سە­لەلەرىن قاراستىردى. حا­لىق­ارالىق لاڭكەس­تىك­پەن كۇرە­سۋ جانە سيريا حال­قى­نا, ونىڭ ىشىندە بوسا­تىلعان قالا­لار­دى مينا­سىزداندىرۋعا كومەك كورسەتۋ جونىندە رە­سەي فە­دە­را­تسياسى قارۋلى كۇش­تەرىنىڭ ءىس-قيمىلدارىنا جو­عارى باعا بەرىلدى. ولار وڭىردە ىنتىماق­تاس­تىقتى ءارى قاراي ءساتتى دا­مىتۋعا سەنىمدىلىك ءبىلدىردى, شىۇ-عا مۇشە مەملەكەتتەر اراسىنداعى سەنىمدىلىك پەن اشىق ۇنقاتىسۋدىڭ نى­عايۋىن راس­تادى. ونىڭ ءىل­گەرىلەۋى شىۇ-عا مۇشە مەم­لەكەتتەر سىرت­قى سايا­سا­تىنىڭ ورتالىق ەلەمەنت­تە­رى­نىڭ ءبىرى بولىپ تابىلادى. كەڭەستە شىۇ ءوزىنىڭ جو­با­لارىن ىسكە اسىرا جانە ءوز­گە دە وڭىرلىك جانە حالىق­ارالىق ۇيىمدارمەن ىنتى­ماق­تاستىق جاساي وتىرىپ, شىۇ مەملەكەتتەرىنىڭ قا­ۋ­ىپ­­سىز­دىگىنە سۇبەلى ۇلەس قو­سىپ ءجۇر­­گەنىن اتاپ ءوتتى. سونداي-اق, شىۇ مەملە­كەت­تەرىنىڭ «جاماندىقتىڭ ءۇش كۇشى­مەن»: لاڭكەستىك, ەكسترە­ميزم, سەپەراتيزممەن كۇرە­سۋدە تاباندىلىعىن پاش ەتەتىن «بەيبىت ميسسيا-2016» بىرلەسكەن اسكە­ري تەرروريزمگە قار­سى كومان­دالىق-شتابتىق وقۋ-جات­تىعۋىنا دايىندىق بارىسى تالقى­لاندى. قورعانىس ۆەدومستۆو­لارىنىڭ باس­شىلارى شىۇ-نىڭ بولا­شاق مۇشەلەرىن ءاس­كەري ىنتى­ماق­­تاس­تىققا جال­عاۋ ۇيىمعا مۇشە مەم­لەكە­تتەر اراسىن­داعى ءوزارا سەنىم­­دىلىكتى نىعايتۋدىڭ ماڭىزدى باعى­تى بولاتىنىنا سەنىمدىلىك ءبىل­دىردى. شانحاي رۋحىن نىعايتۋ ىسىندە اسكەري وركەسترلەردىڭ «بەيبىت­شىلىك كەرنەيى-2016» فەستيۆا­لىنىڭ جوعارى ءرولىن اتاپ ءوتتى جانە ونى ءجيى وتكىزۋ پراكتيكاسىن جالعاستىرعان ءجون دەپ شەشتى. سونىمەن قاتار, كەڭەستى دايىن­داۋ ءجونىن­دە قازاقستان رەسپۋب­لي­كا­سىنىڭ قورعانىس مينيستر­­لىگىمەن جۇمسالعان كۇش-ءجى­گەردى جوعارى باعا­لاپ, قو­لايلى جاعداي مەن قو­ناقجاي­لىلىققا العىس ءبىلدىردى. 2017 جىلى قا­زاقستان رەسپۋب­لي­ك­ا­­سىندا شىۇ-عا مۇشە مەم­لەكەت­تەر قورعانىس مينيستر­لەرى­نىڭ كەزەكتى وتى­رىسىن وتكى­زۋ قاجەت دەگەن شە­شىم قابىلداندى. شانحاي ىنتىماقتاستىق ۇيى­مىنا مۇشە مەملەكەتتەر قور­عا­نىس مينيسترلەرى كەڭەسىنىڭ قورى­تىندىسى بويىنشا بىرلەسكەن كومميۋنيكەگە قول قويىلدى. ساۋلەبەك ءبىرجان