ۇلتتىق ازا تۇتۋ كۇنى قازاقستان رەسپۋبليكاسىنىڭ ءبىلىم جانە عىلىم ءمينيسترى ەرلان ساعاديەۆ اقتوبەدەگى لاڭكەستىك اكتسيانىڭ سالدارىنان قازا تاپقان ازاماتتاردىڭ وتباسىلارىنا قايعىلارىنا ورتاقتاسىپ, كوڭىل ءبىلدىردى.
ە.ساعاديەۆ قازا بولعان ازاماتتاردىڭ بالالارىنا «بالداۋرەن» رەسپۋبليكالىق وقۋ-ساۋىقتىرۋ ورتالىعىندا (بۋراباي, اقمولا وبل.) تەگىن ءارى ولاردىڭ جاعدايىن وڭالتۋعا قاجەتتى دەپ تابىلاتىن مەرزىمگە دەمالۋلارىنا مۇمكىندىك بەرىلەتىنى جونىندە مالىمدەدى.
ۇسىنىلىپ وتىرعان ورتالىقتا بالالاردىڭ تولىققاندى دەمالىپ, پسيحولوگيالىق تۇرعىدان ساۋىعۋلارىنا بارلىق جاعداي جاسالعان – تۇرمىسقا جايلى تۇرعىن كورپۋستار, ۇيلەسىمدى تاعام, مەديتسينالىق باقىلاۋ, كونتسەرتتىك جانە سپورتتىق الاڭدار, ءارتۇرلى ءۇيىرمەلەر مەن كوپتەگەن ءىس-شارالار ۇيىمداستىرىلاتىن بولادى, دەپ حابارلادى ءبىلىم جانە عىلىم مينيسترلىگىنىڭ ءباسپاسوز قىزمەتى.