ەلىمىزدىڭ باسىم بولىگىندە تۇراقسىز اۋا رايى ساقتالادى

بۇگىن, 9 ماۋسىم كۇنى ەلىمىزدىڭ باسىم بولىگىندە اتموسفەرالىق فرونتالدى بولىكتەردىڭ وتۋىنە بايلانىستى تۇراقسىز اۋا رايى ساقتالادى. ەلىمىزدىڭ سولتۇستىگىنىڭ كەي جەرلەرىندە تۇمان كۇتىلەدى. تەك رەسپۋبليكانىڭ وڭتۇستىگى مەن وڭتۇستىك-شىعىسىندا اۋا رايى جاۋىن-شاشىنسىز بولىپ, قاتتى ىستىق كۇتىلەدى. اقمولا, قىزىلوردا, ماڭعىستاۋ, اقتوبە, قوستاناي, سولتۇستىك قازاقستان, پاۆلودار, قاراعاندى, سونىمەن قاتار كۇندىز اتىراۋ وبلىستارىنىڭ كەي جەرلەرىندە جەلدىڭ جىلدامدىعى سەكۋندىنا 15-20 مەترگە دەيىن كۇشەيەدى.  سولتۇستىك قازاقستان وبلىسىنىڭ كەي جەرلەرىندە تۇندە جانە تاڭەرتەڭ تۇمان بولادى. شىعىس قازاقستان وبلىسىنىڭ كەي جەرلەرىندە جەل سەكۋندىنا 15-20 مەترگە دەيىن كۇشەيەدى, ال كۇندىز بۇرشاق بولۋى ىقتيمال. كۇندىز الماتى, جامبىل, وڭتۇستىك قازاقستان وبلىستارىندا, قىزىلوردا وبلىسىنىڭ كەي جەرلەرىندە قاتتى ىستىق بولادى دەپ كۇتىلۋدە. ايان ءابدۋالي. دەرەك, فوتو: inform.kz.