پارلامەنت ءماجىلىسى توراعاسىنىڭ ورىنباسارى, «نۇر وتان» پارتياسى فراكتسياسىنىڭ جەتەكشىسى گۇلميرا يسىمباەۆانىڭ تورايىمدىعىمەن «نۇر وتان» پارتياسى فراكتسياسىنىڭ تورالقا وتىرىسى ءوتتى, دەپ حابارلادى وسى پالاتانىڭ ءباسپاسوز قىزمەتى.
وتىرىستا ينفراقۇرىلىمدى دامىتۋدىڭ 2015-2019 جىلدارعا ارنالعان «نۇرلى جول» مەملەكەتتىك باعدارلاماسىن ىسكە اسىرۋعا ۇلتتىق قوردان بولىنەتىن قاراجاتتىڭ جانە بيۋدجەتتىك قاراجاتتىڭ ماقساتتى جانە ءتيىمدى جۇمسالۋىنا باقىلاۋ جۇرگىزۋ جونىندەگى كوميسسيالاردىڭ اتقارعان جۇمىستارى تۋرالى ماسەلە قارالدى.
«نۇر وتان» پارتياسىنىڭ پارلامەنت ماجىلىسىندەگى فراكتسياسىنىڭ جانىنان بەس باعىت بويىنشا كوميسسيالار قۇرىلعان. ولار: الەۋمەتتىك ينفراقۇرىلىمدى دامىتۋ; تۇرعىن ءۇي-كوممۋنالدىق شارۋاشىلىق ينفراقۇرىلىمىن, سۋمەن جانە جىلۋمەن جابدىقتاۋ جەلىلەرىن جاڭعىرتۋ, تۇرعىن ءۇي ينفراقۇرىلىمىن نىعايتۋ; يندۋستريالىق ەنەرگەتيكالىق ينفراقۇرىلىمدى دامىتۋ, شاعىن جانە ورتا بيزنەس پەن ىسكەرلىك بەلسەندىلىكتى قولداۋ; كولىك جانە لوگيستيكا ينفراقۇرىلىمىن دامىتۋ; اگروونەركاسىپ كەشەنى سۋبەكتىلەرىنىڭ باسەكەگە قابىلەتتىلىگىن ارتتىرۋ جونىندەگى كوميسسيالارى.
پارلامەنت ءماجىلىسىنىڭ 6-شاقىرىلىمى ءوز جۇمىسىن باستاعالى بەرى وتكەن ەكى ايدىڭ ىشىندە كوميسسيالار بىرقاتار وتىرىستار وتكىزىپ, وندا: «حالىقارالىق استانا اۋەجايىنىڭ جولاۋشىلار تەرمينالىن قايتا سالۋ بارىسى تۋرالى»; «قۇرىق پورتىندا پارومدىق كەشەننىڭ قۇرىلىسى جانە جۇك-جولاۋشىلار تاسيتىن امبەباپ پارومداردى پايدالانۋ تۋرالى»; قازاقستان رەسپۋبليكاسىنىڭ جوعارى وقۋ ورىندارىن 2015-2016 جىلدارى بازالىق قاجەتتى قۇرالدارمەن جيىنتىقتالعان زەرتحانالارمەن قامتاماسىز ەتۋ جانە قارجى ءبولۋ»; «يندۋستريالىق ەنەرگەتيكالىق ينفراقۇرىلىمدى دامىتۋ, شاعىن جانە ورتا بيزنەس پەن ىسكەرلىك بەلسەندىلىكتى قولداۋ جونىندەگى جوبالاردى ءىسكە اسىرۋ بارىسى تۋرالى»; «ينفراقۇرىلىمدى دامىتۋدىڭ «نۇرلى جول» مەملەكەتتىك باعدارلاماسىن 2016 جىلدىڭ ءبىرىنشى توقسانىندا ىسكە اسىرۋ بارىسى تۋرالى» ماسەلەلەر قارالدى.
تورالقا وتىرىسىنا «نۇر وتان» پارتياسىنىڭ حاتشىسى ق.جۇماشەۆ, ينفراقۇرىلىمدى دامىتۋدىڭ 2015-2019 جىلدارعا ارنالعان «نۇرلى جول» مەملەكەتتىك باعدارلاماسىن ىسكە اسىرۋعا قازاقستان رەسپۋبليكاسىنىڭ ۇلتتىق قورىنان بولىنەتىن قاراجاتتىڭ جانە بيۋدجەتتىك قاراجاتتىڭ ماقساتتى جانە ءتيىمدى جۇمسالۋىنا باقىلاۋ جۇرگىزۋ جونىندەگى كوميسسيالاردىڭ بەس باعىتى بويىنشا «نۇرلى جول» باعدارلاماسىنىڭ بەس باعىتى جونىندەگى كوميسسيالاردىڭ جۇمىستارىنا جەتەكشىلىك ەتۋشى پارتيانىڭ ورتالىق اپپاراتىنىڭ جاۋاپتى قىزمەتكەرلەرى جانە بۇقارالىق اقپارات قۇرالدارىنىڭ وكىلدەرى قاتىستى.
فراكتسيا تورالقاسى كوميسسيا جۇرگىزگەن جۇمىس تۋرالى اقپاراتتاردى نازارعا الدى. كوميسسيا باسشىلىعى: ينفراقۇرىلىمدى دامىتۋدىڭ 2015-2019 جىلدارعا ارنالعان «نۇرلى جول» مەملەكەتتىك باعدارلاماسىن ىسكە اسىرۋعا ۇلتتىق قوردان بولىنەتىن قاراجاتتىڭ جانە بيۋدجەتتىك قاراجاتتىڭ ماقساتتى جانە ءتيىمدى جۇمسالۋىنا باقىلاۋ ءجۇرگىزۋدى كۇشەيتۋ; ايماقتارداعى ينفراقۇرىلىمدى دامىتۋدىڭ 2015-2019 جىلدارعا ارنالعان «نۇرلى جول» مەملەكەتتىك باعدارلاماسىن ىسكە اسىرۋ شەڭبەرىندە سالىنىپ جاتقان قۇرىلىستار مەن وبەكتىلەردى بارىپ كورۋدى جازدا بولاتىن كوشپەلى جۇمىس توپتارىنىڭ كەستەسىنە قوسۋ ۇسىنىلدى.
سونىمەن قاتار, تورالقا مۇشەلەرى وتىرىستا بىرقاتار ۇيىمدىق ماسەلەلەردى دە قاراستىردى.