رەسەيدىڭ يركۋتسك وبلىسى, وسا اۋدانىنىڭ اكىمى الەكساندر گريگورەۆ بوس ۋاقىتىندا جەرگىلىكتى اۋرۋحانادا دارىگەر-حيرۋرگ بولىپ جۇمىس ىستەپ, قوسىمشا اقشا تاپقانى ءۇشىن قىزمەتىنەن بوساتىلدى. بۇل تۋرالى VSE42 اقپارىنا سۇيەنگەن egemen.kz ءتىلشىسى حابارلادى.
يركۋتسك وبلىسى پروكۋراتۋراسىنىڭ سايتىندا جازىلعانداي, اۋدان باسشىسى وسى جۇمىسى ءۇشىن ايىنا قوسىمشا 13 مىڭ رۋبل الىپ كەلگەن ەكەن. زاڭ ورگانىنىڭ پىكىرىنشە, وسى ارقىلى ول انتيكوررۋپتسيالىق زاڭناما تالابىن بۇزعان. تەكسەرۋ بارىسىندا سونداي-اق دارىگەر-اكىمنىڭ 2013 جانە 2014 جىلدارعى تابىستارى تۋرالى انىقتاماعا تەك اۋدان اكىمى رەتىندە الىپ تۇرعان جالاقىسىن عانا كورسەتكەنى انىقتالعان.
گريگورەۆ 2013 جىلى دارىگەر-حيرۋرگ بولىپ ىستەي ءجۇرىپ, اي سايىن 11 مىڭ رۋبلدەن الىپ تۇرسا, 2014 جىلى اقشا مولشەرى 16 مىڭ رۋبلگە جەتكەن.
اۋداندىق پروكۋراتۋرانىڭ ۇسىنىسى بويىنشا وسا كەنتىنىڭ دۋماسى دەپۋتاتتارى الەكساندر گريگورەۆتى وتستاۆكاعا جىبەرگەن.
ايان ءابدۋالي.
دەرەك, فوتو: VSE42.