استانا. 8 ماۋسىم. اقش-تىڭ نيۋ-يورك قالاسىنداعى كوشەلەردىڭ بىرىنە ايگىلى بوكسشى مۇحاممەد ءاليدىڭ ەسىمى ۋاقىتشا بەرىلدى. بۇل تۋرالى ريا «نوۆوستي» اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
قالا مەرى بيلل دە بلازيو 33-ۋەست كوشەسىنىڭ اتاۋى ۋاقىتشا وزگەرتىلگەنىن مالىمدەدى. بۇل كوشەنىڭ بويىندا بوكسشىنىڭ كوپتەگەن جەكپە-جەكتەرى, ونىڭ ىشىندە 1971 جىلى دجو فرەيزەرگە قارسى كەزدەسۋى وتكەن «مەديسون سكۆەر گاردەن» سپورت سارايى ورنالاسقان.
«بۇگىن ءبىز قالامىزدىڭ ءدال ورتاسىنداعى كوشەلەردىڭ بىرىنە مۇحاممەد ءاليدىڭ ەسىمىن بەردىك. ول مۇنداي قۇرمەتكە لايىقتى جان», – دەدى بيلل دە بلازيو.
The Telegraph اقپارى بويىنشا, اقش-تا كوشەنىڭ اتاۋى تۇراقتى تۇردە وزگەرۋى ءۇشىن قالالىق كەڭەستىڭ كەلىسىمى جانە قالا مەرىنىڭ قول قويۋى ءتيىس.
ايان ءابدۋالي.
دەرەك: ريا «نوۆوستي».
فوتو: 24.kz.