قاراعاندى. 8 ماۋسىم. گەننادي گولوۆكين مەن ونىڭ پروموۋتەرى توم لەففلەر نۆو تەلەارناسىنىڭ ءتۇسىرىلىم توبىمەن بىرگە قاراعاندىعا كەلدى. ولار نۇركەن ءابدىروۆ اتىنداعى سپورت سارايىنداعى بوكس زالىندا بولىپ, دوستارىمەن, قاراعاندىلىق سپورتسۇيەر قاۋىممەن جانە جاس بوكسشىلارمەن كەزدەستى. بۇل تۋرالى egemen.kz ءتىلشىسى حابارلادى.
بوكسشىنىڭ رەسمي وكىلى ولەگ گەرماننىڭ ايتۋىنشا, گولوۆكين قازاقستاندا جەكە شارۋامەن جۇرسە, نۆو تەلەارناسى ونىڭ وتانىنا باعدارلاما ءتۇسىرۋ ءۇشىن كەلگەن. كورسەتىلىم گولوۆكيننىڭ الداعى بولاتىن جەكپە-جەگىنە ارنالاتىن كورىنەدى.
«قازىر ءبىز استاناعا قايتامىز. گەنناديدىڭ ەندى قاشان كەلەتىنىن ءدوپ باسىپ ايتا المايمىن. شارۋا كوپ, انگلياعا ۇشۋىمىز كەرەك. گەننادي سودان كەيىن قايتىپ كەلۋى مۇمكىن. ازىرگە ءباسپاسوز وكىلدەرىمەن كەزدەسۋ باعدارلامامىزدا جوق. قازىر ءبىزدىڭ ۋاقىتىمىز تىعىز. كەلەسى جولى قازاقستانعا قاراشا-جەلتوقسان ايلارىندا كەلۋىمىز مۇمكىن. مىنە, سول كەزدە گەننادي ءباسپاسوز وكىلدەرىمەن مىندەتتى تۇردە كەزدەسەتىن بولادى», – دەدى ولەگ گەرمان.
ايتا كەتەيىك, ساۋل الۆارەس ورتا سالماقتا WBC تيتۋلىنان باس تارتقاننان كەيىن, گولوۆكين كاسىپقوي بوكستاعى ەڭ اتاقتى سپورتشى اتاندى. ەندى وعان ءبىر عانا اتاقتى جەڭىپ الۋ كەرەك: ول – بريتانيالىق بيللي دجو سوندەرسكە تيەسىلى WBO تيتۋلى.
گولوۆكين ءوزىنىڭ كەلەسى جەكپە-جەگىن قىركۇيەك ايىندا وتكىزۋدى جوسپارلاعان. بىراق ونىڭ قارسىلاسى ازىرگە بەلگىسىز.
قايرات ءابىلدينوۆ.
دەرەك, فوتو: egemen.kz.