قازاقستاندا مىندەتتى الەۋمەتتىك مەديتسينالىق ساقتاندىرۋ ء(ارى قاراي – ءمامس) جۇيەسىن ەنگىزگەننەن كەيىن حالىقتىڭ الەۋمەتتىك تۇرعىدان وسال توبىنا جاتاتىن 9,8 ملن.-نان استام ادامعا ولار ءۇشىن مەملەكەتتىڭ جارنا تولەۋى ارقىلى مەديتسينالىق قىزمەت كورسەتىلەتىن بولادى.
الەۋمەتتىك مەديتسينالىق ساقتاندىرۋ قورى ء(ارى قاراي – امسق) جارناسىن تولەۋدەن ازاماتتاردىڭ 15 ساناتى بوساتىلادى, ونىڭ ىشىندە 12-ءسى – حالىقتىڭ الەۋمەتتىك تۇرعىدان وسال توبى, سونىمەن قاتار, ءاسكەري قىزمەتكەرلەر, ارنايى مەملەكەتتىك جانە قۇقىق قورعاۋ ورگاندارىنىڭ قىزمەتكەرلەرى.
حالىقتىڭ الەۋمەتتىك تۇرعىدان وسال توبىنا:
– بالالار;
– «التىن القا», «كۇمىس القا» يەگەرلەرى, بۇرىن «باتىر انا» اتاعىن العاندار, سونىمەن قاتار, I جانە II دارەجەلى «انا داڭقى» وردەنىمەن ماراپاتتالعان كوپ بالالى انالار;
– ۇوس ارداگەرلەرى مەن مۇگەدەكتەرى;
– مۇگەدەكتەر;
– جۇمىسسىز رەتىندە تىركەلگەن ازاماتتار;
– ينتەرنات مەكەمەلەرىندە وقىتىلىپ, تاربيەلەنىپ جاتقان تۇلعالار;
– تەحنيكالىق, كاسىپتىك, ورتا بىلىمنەن كەيىنگى جانە جوعارى ءبىلىم بەرۋ ۇيىمدارىندا كۇندىزگى بولىمدەردە, سونىمەن قاتار, رەزيدەنتۋرا فورماسىنداعى جوو-دان كەيىن ءبىلىم الىپ جاتقان تۇلعالار;
– بالا تۋعا, بالا اسىراپ الۋعا, 3 جاسقا دەيىنگى بالا كۇتىمىنە بايلانىستى دەمالىستاعى تۇلعالار;
- جۇمىس ىستەمەيتىن ەكىقابات ايەلدەر, ءىس جۇزىندە 3 جاسقا دەيىنگى بالانى تاربيەلەپ وتىرعان جۇمىسسىز ازاماتتار;
- زەينەتكەرلەر;
- ەڭ تومەنگى دەڭگەيدەگى قاۋىپسىزدىك مەكەمەلەرىن ەسەپتەمەگەندە سوت شەشىمىمەن قاج مەكەمەلەرىندە ايىبىن وتەۋشىلەر;
- ۋاقىتشا ۇستاۋ يزولياتورلارى مەن تەرگەۋ يزولياتورلارىنداعى ازاماتتار جاتادى.
ەستەرىڭىزگە سالا كەتەيىك, 2017 جىلدىڭ 1 قاڭتارىنان باستاپ مەملەكەت, جۇمىس بەرۋشىلەر, ءوزىن ءوزى جۇمىسپەن قامتىعان ازاماتتار امسق-عا جارنا تولەۋدى باستايدى.
ەرەكشە ساناتتاعى ازاماتتار ءۇشىن مەملەكەت تولەيتىن جارنانىڭ مولشەرلەمەسى ورتاشا ايلىق ەڭبەكاقىنىڭ 7 %-ىن قۇرايدى. سونىمەن قاتار, ءمولشەرلەمەنىڭ كولەمى 2017 جىلى 4%, 2018 جىلدان باستاپ 5%-عا, 2023 جىلدان 6%-عا, 2024 جىلدان 7%-عا ساتىلاي وسەتىن بولادى.
جۇمىس بەرۋشىلەر جارناسى مولشەرلەمەسىنىڭ جالپى كولەمى كىرىستىڭ 5%-ىن قۇرايتىن بولادى. اۋدارىم 2017 جىلى 2%-دى, 2018 جىلى 3%-دى, 2019 جىلى 4%-دى, 2020 جىلى 5%-دى قۇرايتىن بولادى.
ءوزىن ءوزى جۇمىسپەن قامتىعان ازاماتتار جارناسىنىڭ مولشەرلەمەسى (جەكە كاسىپكەرلەر, جەكە نوتاريۋستار, جەكە سوت ورىنداۋشىلارى, ادۆوكاتتار, كاسىبي مەدياتورلار, ازاماتتىق-قۇقىقتىق نەگىزدەگى كەلىسىم بويىنشا كىرىس تاباتىن جەكە تۇلعالار) ولاردىڭ كىرىسىنىڭ 7%-ىن قۇرايتىن بولادى. ول 2017 جىلى 2%, 2018 جىلى 3%, 2019 جىلى 5%, 2020 جىلدان باستاپ 7% بولادى.
جالدامالى جۇمىسشىلار جارنانى 2019 جىلدان باستاپ 1%, 2020 جىلدان 2% مولشەرىندە تولەيتىن بولادى.
قور ارقىلى قارجىلاندىرۋ 2017 جىلعى 1 شىلدەدەن باستالادى.
«ەگەمەن-اقپارات»