استانا. 19 مامىر. اۋعانستاندا ۇكىمەت اسكەرى سوڭعى ءبىر كۇن ىشىندە ارنايى وپەراتسيا كەزىندە 130 سودىردىڭ كوزىن جويدى. بۇل تۋرالى 24.kz-كە سىلتەمە جاساعان egemen.kz ءتىلشىسى حابارلادى.
اۋعانستاننىڭ قورعانىس مينيسترلىگى «تاليبان» ۇيىمىمەن قاقتىعىس كەزىندە 10 جاۋىنگەردىڭ قازا تاپقانىن مالىمدەدى. سونىمەن قاتار, بۇل ءىس 18 پروۆينتسيادا جۇرگىزىلگەنى بەلگىلى بولدى.
مالىمەتتەر بويىنشا, جىل سايىن تاۋلى ايماقتاردا قار ەرىگەننەن كەيىن اتالعان توپتىڭ سودىرلارى كوكتەمگى شابۋىلىن باستايدى. وسىنىڭ الدىن الۋ ءۇشىن ەل اسكەرى «تاليبان» ەكسترەميستەرىنە قارسى كەڭ اۋقىمدى اسكەري قيمىلدارىن ۇيىمداستىرا باستادى.
ايان ءابدۋالي.
دەرەك, فوتو: 24.kz.