سۋرەتتى تۇسىرگەن – ەرلان ومار, «EQ»
مەرەكەلىك باعدارلاما ۇلتتىق جانە زاماناۋي ەتنومۋزىكامەن باستالىپ, كوپشىلىككە ەرەكشە اسەر سىيلادى. كونتسەرت بارىسىندا «سارايشىق» ەتنوانسامبلى مۋزىكالىق پوپۋرري ورىنداسا, مۋلتينسترۋمەنتاليست ەدىل قۇسايىنوۆ ەتنواۋەندەرىمەن كەشتىڭ كوركىن اشا ءتۇستى. سونداي-اق ءداستۇرلى ءان ونەرىنىڭ وكىلدەرى ايگۇل ەلشىباەۆا مەن جازگۇل داڭىلباەۆا ساحنادا ونەر كورسەتتى.
شەرۋگە ديزاينەرلەر, انشىلەر, «Qazaqstan» تەلەارناسىنىڭ تانىمال جۇرگىزۋشىلەرى نۇربەك بەكباۋ, ارمانگۇل توقتامۇرات, يرينا تەن, بەكسۇلتان اكىمجان, سونداي-اق «Qazaqstan» تەلەراديوكورپوراتسياسىنىڭ قىزمەتكەرلەرى مەن قالا تۇرعىندارى قاتىستى. ۇكىلى كامشات پەن بۇرمەلى كويلەك كيگەن ارۋلار, اق كيمەشەكتى اجەلەر مەن شاپان جامىلعان جىگىتتەردەن قۇرالعان 230 ادامدىق توپ ساۋدا ورتالىعىن ارالاپ, حالىق اندەرىن شىرقادى.
ەلورداداعى ەڭ ۇلكەن ساۋدا ويىن-ساۋىق ورتالىعىندا وتكەن شارا بارىسىندا «ۇماي انا» كوللەكتسياسى, «ادەمى-اي», «جاراس» ءسان كلۋبى, «قۇرالاي», «حان», «نازيم», ء«داستۇر», «اساح», «قازاق ورداسى» سىندى ءسان ورتالىقتارىنىڭ ۇلتتىق ۇلگىدەگى كيىمدەرى كوپشىلىك نازارىنا ۇسىنىلدى.
