اتاپ ايتقاندا الماتىلىق كلۋبتىڭ قاقپاشىسى تەمىرلان اناربەكوۆكە, جارتىلاي قورعاۋشى ولجاس بايبەككە جانە شابۋىلشى مانسۇر بىرقۇرمانوۆقا رەكتور گرانتى سالتاناتتى تۇردە تابىستالدى. ارنايى كەزدەسۋدە گرانت يەگەرلەرىنە سەرتيفيكاتتار تاپسىرىلىپ, جاس سپورتشىلاردىڭ بولاشاعىنا زور سەنىم ارتىلدى. اكادەميا باسشىلىعى بۇل باستامانىڭ جاستاردى قولداۋ باعىتىنداعى مەملەكەتتىك ساياساتپەن ۇندەس ەكەنىن اتاپ ءوتتى. اكادەميا وكىلدەرى سپورتتا دا, بىلىمدە دە ۇزدىك ناتيجە كورسەتىپ جۇرگەن ستۋدەنتتەرگە ءاردايىم قولداۋ كورسەتىلىپ كەلە جاتقانىن ايتىپ, بۇل ءۇردىس الداعى ۋاقىتتا دا جالعاساتىنىن جەتكىزدى.
جوعارى وقۋ ورنىنىڭ باسشىسى قايرات زاكيريانوۆ سپورتتا جوعارى جەتىستىككە جەتكەن جاس سپورتشىلاردى تۇراقتى تۇردە قولدايتىنىن ايتتى. بۇعان دەيىن ءدال وسىنداي رەكتور گرانتى «قايرات» فۋتبول كلۋبىنىڭ قاقپاشىسى شەرحان قالمۇرزاعا تابىستالعان بولاتىن.
فيفا: فۋتبول كلۋبتارى ترانسفەرگە 13 ملرد دوللاردان استام قاراجات جۇمسادى
