فوتو:depositphotos.com
د.ترامپ الداعى كۇندەرى ۆەنەسۋەلاداعى جاعدايعا بايلانىستى 14 ءىرى مۇناي كومپانياسىنىڭ باسشىلارىمەن كەزدەسۋ وتكىزبەك. ترامپتىڭ ايتۋىنشا, بۇل كاسىپورىندار ۆەنەسۋەلا ونەركاسىبىن قالپىنا كەلتىرۋگە كومەكتەسەدى.
Deutsche Welle باسىلىمىنىڭ جازۋىنشا, مەكسيكا شىعاناعى جاعالاۋىندا ورنالاسقان كوپتەگەن امەريكالىق مۇناي وڭدەۋ زاۋىتتارى ۆەنەسۋەلادا وندىرىلەتىن اۋىر ءارى كۇكىرت مولشەرى جوعارى مۇنايدى وڭدەۋگە ماماندانعان. بۇعان دەيىن ولار اتالعان شيكىزاتتى ءىرى كولەمدە ساتىپ الاتىن. دەسە دە ۆاشينگتون ەنگىزگەن سانكتسيالارعا بايلانىستى جەتكىزىلىم كولەمى قىسقارعان بولاتىن.
نيكولاس مادۋرو بيلىكتەن شەتتەتىلگەننەن كەيىن, اق ءۇي كاراكاس مۇناي سەكتورىنا قاتىستى شەكتەۋلەردىڭ ءبىر بولىگىن الىپ تاستادى.
ال اقش سەناتى ترامپقا كونگرەستىڭ كەلىسىمىنسىز ۆەنەسۋەلاعا شابۋىلداۋعا شەكتەۋ قويدى.
«قارا التىن» ارزانداسا, قازىنا ورتايماي ما؟ ۆەنەسۋەلا فاكتورىنىڭ قازاق ەكونوميكاسىنا اسەرى
