حابارلاما 112 نومىرىنە تۇسكەن. وقيعا ورنىنا تجم قۇتقارۋشىلارى مەن سۇڭگۋىرلەر جەتكەن. ءتورت ءجاسوسپىرىم سۋ ايدىنىنىڭ ماڭىندا ويناپ ءجۇرىپ, جۇقا مۇزدىڭ ۇستىنە شىققان. مۇز شىداماي سىنىپ, تورتەۋى دە سۋىق سۋعا قۇلاعان.
جاقىن ماڭدا بالىق اۋلاپ جۇرگەن ازامات كومەككە ۇمتىلىپ, ءۇش بالانى سۋدان الىپ شىققان. الايدا ءتورتىنشى ءجاسوسپىرىمدى قۇتقارا الماعان. ونىڭ ءمايىتىن كەيىن سۇڭگۋىرلەر سۋ تۇبىنەن شىعارىپ, پوليتسيا قىزمەتكەرلەرىنە تاپسىردى.
تجم وكىلدەرى اتا-انالار مەن بالالاردى ساق بولۋعا شاقىرىپ, جۇقا مۇزدىڭ ۇستىنە شىقپاۋعا, بالالاردى سۋ ماڭىندا قاراۋسىز قالدىرماۋعا جانە سۋ ايدىندارى جانىندا قاۋىپسىزدىك ەرەجەلەرىن قاتاڭ ساقتاۋعا ۇندەدى.
