قىزىلوردا وبلىسى اكىمدىگى
بىلتىر «وبەليسك» ىزدەستىرۋ شارالارى بارىسىندا 1944 جىلعى ۇرىستاردا قازا تاپقان قىزىل اسكەرلەردىڭ سۇيەگى تابىلعان. ولاردىڭ اراسىندا 326-شى اتقىشتار ديۆيزياسى 1101-ءشى اتقىشتار پولكى ساپىندا قىزمەت ەتكەن اعا سەرجانت بايبول راحمەتوۆتىڭ دە مۇردەسى بار ەدى.
1917 جىلى قىزىلوردا قالاسىندا تۋعان مايدانگەر سۇيەگىنىڭ جانىنان «قىزىل جۇلدىز» وردەنى مەن «جاۋىنگەرلىك ەرلىگى ءۇشىن» مەدالى, ۇستاراسى, قالامسابى, پىشاعى شىققان. بۇگىن مايدانگەر مۇردەسى تۋعان جەر توپىراعىنا جەتكىزىلدى.
راسىمدە سۇراپىل سوعىس جىلدارى ەرلىك كورسەتكەن قاhارمان قۇرمەتىنە ءبىر مينۋت ۇنسىزدىك جاريالانىپ, ەسكەرتكىشكە گۇل شوقتارى قويىلدى. قالا اكىمىنىڭ ورىنباسارى دىلمۇحامەد ابيزوۆ ارادا قانشاما جىل وتكەندە تۋعان توپىراعىنا امانات بولىپ جەتكەن جاۋىنگەردىڭ رۋحىنا تاعزىم ەتۋ بۇگىنگى ۇرپاقتىڭ قاسيەتتى بورىشى ەكەنىن ايتتى. مايدانگەردىڭ جاقىندارى ەرلىكتى ۇلىقتاعان ازاماتتارعا العىستارىن ءبىلدىردى. سوعىس ساربازىنىڭ سۇيەگى اقسۋات اۋىلدىق وكرۋگى اۋماعىنا قويىلدى.
