فوتو: ۆيدەودان الىنعان كادر
قالالىق پوليتسيا دەپارتامەنتىنىڭ الدىن الا مالىمەتىنشە, باتىس باعىتتا كەلە جاتقان Toyota جۇرگىزۋشىسى قارسى جولاققا شىعىپ كەتىپ, شىعىسقا قاراي قوزعالعان Lexus اۆتوكولىگىمەن بەتپە-بەت سوقتىعىسقان. سوققىدان كەيىن توقتاپ تۇرعان Lexus-قا ءال-فارابي داڭعىلى بويىمەن شىعىسقا قاراي كەلە جاتقان Hyundai كولىگى سوعىلعان. قاتتى سوققى سالدارىنان Toyota كولىگى ورتەنىپ, جۇرگىزۋشى مەن جولاۋشىسى, سونداي-اق Lexus جۇرگىزۋشىسى جاراقات الدى.
قازىر بوستاندىق اۋداندىق پوليتسيا ءبولىمىنىڭ قىزمەتكەرلەرى وقيعانىڭ تولىق ءمان-جايىن انىقتاپ جاتىر.
توتەنشە جاعدايلار دەپارتامەنتىنىڭ حابارلاۋىنشا, ءورت سوندىرۋشىلەر وقيعا ورنىنا ءدال سول ۋاقىتتا جەتىپ, Toyota Sienna ماركالى كولىكتەگى ءورتتى 07:11-دە تولىق سوندىرگەن.
بۇعان دەيىن الماتى وبلىسىندا بولعان جول اپاتىنان التى ادام قازا تاپتى.
