فوتو: depositphotos.com
پرەزيدەنت جىل سايىن مىڭداعان ينجەنەر, قۇرىلىسشى جانە اۋىل شارۋاشىلىعى ماماندارى وقۋىن اياقتاپ شىققانىنا قاراماستان, ولاردىڭ كوپشىلىگى ماماندىعى بويىنشا جۇمىس ىستەمەيتىنىن ايتتى.
«ارينە, ادال ەڭبەكتىڭ ءبارى ماڭىزدى. بىراق بۇل ءۇردىس جەكە ادامعا دا, ەلگە دە پايدا اكەلمەيدى. ازاماتتاردىڭ وندىرىسكە بارعانى ابزال. ەكونوميكانىڭ ناقتى سالاسىندا جۇمىس ىستەۋگە ۇمتىلۋ قاجەت», دەدى مەملەكەت باسشىسى.
قاسىم-جومارت توقاەۆ جۇمىسشى ماماندىقتارىنىڭ بەدەلىن ارتتىرۋدىڭ, ولارعا لايىقتى جالاقى تولەۋدىڭ ماڭىزدىلىعىن ەرەكشە اتاپ ءوتتى.
«جۇمىسشى ماماندىقتارىنا دەگەن قۇرمەتتى ارتتىرا ءتۇسۋ – مەملەكەتتىڭ الدىندا تۇرعان نەگىزگى مىندەتتىڭ ءبىرى», دەدى پرەزيدەنت.
