فوتو: قازاقستان فۋتبول فەدەراتسياسى
بۇگىن فيفا ۇلتتىق قۇرامالاردىڭ جاڭارتىلعان رەيتينگىن جاريالادى. وندا قازاقستان قۇراماسى ءۇش پوزيتسياعا تومەندەپ, 113-ورىنعا ورنالاسقان. بۇل رەتتە ناميبيا, ۆەتنام جانە ليۆان قۇرامالارى قازاقستاننان جوعارى كوتەرىلدى.
فيفا رەيتينگىنىڭ كوشباسشىسى بولىپ ارگەنتينا قۇراماسى قالا بەرمەك. بۇل كوماندا 2026 جىلى اقش-تا وتەتىن الەم چەمپيوناتىنا قاتىسۋىن العاشقى بولىپ قامتاماسىز ەتكەن ۇلتتىق قۇرامالاردىڭ ءبىرى.
ەستەرىڭىزگە سالا كەتەيىك, قازاقستان قۇراماسى 2025 جىلى ەكى رەسمي ماتچ وتكىزدى:
- ۋەلس قۇراماسىنا قارسى (3:1);
- ليحتەنشتەين قۇراماسىنا قارسى (0:2).
ليحتەنشتەينگە قارسى جەڭىس قازاقستان قۇراماسى ءۇشىن 11 جىل 6 اي ىشىندەگى الەم چەمپيوناتتارىنىڭ ىرىكتەۋ ماتچتارىنداعى العاشقى جەڭىس بولدى. بۇعان دەيىن قازاقستان مۇنداي جەتىستىككە 2013 جىلدىڭ 6 قىركۇيەگىندە جەتىپ, استانادا فارەر ارالدارىن 2:1 ەسەبىمەن جەڭگەن ەدى.
