فوتو: قر مادەنيەت جانە اقپارات مينيسترلىگى
ZHULDYZDY ZHOL 2025 – ۆوكال, كلاسسيكالىق جانە حالىقتىق اسپاپتار سياقتى باعىتتاردى قامتيتىن, تالانتتاردى تاۋىپ, ولاردى قولداۋعا ارنالعان بىرەگەي جوبا. اتالعان بايقاۋ «ەۋرازيا» ءبىرىنشى ارناسىنىن كورسەتىلەدى.
«بۇل پلاتفورما جاس مۋزىكانتتارعا ءوز قابىلەتىن رەسپۋبليكالىق دەڭگەيدە كورسەتۋگە, ۇزدىك تالىمگەرلەردەن ءبىلىم الىپ, جەتىستىككە جەتۋگە مۇمكىندىك بەرەدى. كونكۋرسقا ۆوكال, كلاسسيكالىق نەمەسە حالىقتىق اسپاپتار ساناتتارى بويىنشا ونەر كورسەتەتىن 16 جاستان 21 جاسقا دەيىنگى قازاقستاندىقتار قاتىسا الادى», دەلىنگەن حابارلامادا.
تەلەجوباعا تىركەلۋ 5 ناۋرىزدان باستالىپ, جوبانىڭ رەسمي Instagram پاراقشاسىندا 2025 جىلدىڭ 25 ناۋرىزىنا دەيىن جالعاسادى. جوبا سەرىكتەستەر مەن دەمەۋشىلەردىڭ قولداۋىمەن جۇزەگە اسىرىلىپ جاتىر.
بارلىق تىركەلگەن قاتىسۋشى Instagram الەۋمەتتىك جەلىسى ارقىلى digital-كاستينگ-ىرىكتەۋدەن وتەدى. Digital-كاستينگتەن ءساتتى وتكەن قاتىسۋشىلار 1-11 ءساۋىر ارالىعىنداعى تىكەلەي كاستينگكە شاقىرتۋ الادى. كاستينگ كەزىندە ولار كاسىبي قازىلار القاسىنىڭ الدىندا ونەر كورسەتەدى.
قازىلار القاسى بايقاۋعا قاتىسۋشىلاردىڭ تەحنيكالىق ورىنداۋىن, ارتىستىك شەبەرلىگىن, ەموتسيانى جەتكىزۋىن, رەپەرتۋارىن باعالايدى. ىرىكتەۋدىڭ بارلىق كەزەڭدەرىنەن ءساتتى وتكەن قاتىسۋشىلار 2025 جىلعى 26 ءساۋىر مەن 16 مامىر ارالىعىندا وتەتىن الماتىداعى شىعارماشىلىق لاگەرگە شاقىرۋ الادى. لاگەردە ولار شەبەرلىك ساباقتار وتەدى, تەلەجوبانىڭ تۇسىرىلىمىنە قاتىسادى.
فينال الماتىدا 2025 جىلدىڭ 6 شىلدەسىندە وتەدى. جەڭىمپازدارعا ديپلومدار, قازاقستاننىڭ جەتەكشى جوعارى وقۋ ورىندارىنان ءبىلىم گرانتتارى, سونداي-اق حالىقارالىق وقۋ ورىندارىندا ءبىلىم بەرۋ ستيپەنديالارى بەرىلەدى. سونىمەن قاتار, جۇلدەگەرلەرگە ءىرى مادەني الاڭداردا ونەر كورسەتۋگە مۇمكىندىك بەرىلەدى.
قوسىمشا اقپارات پەن تىركەلۋ تۋرالى اقپاراتتى جوبانىڭ رەسمي Instagram پاراقشاسىندا جاريالانعان: https://www.instagram.com/zhuldyzdy_zhol/
