فوتو: ۇلتتىق ەكونوميكا مينيسترلىگى
مينيسترلىكتىڭ مالىمەتىنشە, 2024 جىلى ءجىو-ءنىڭ 4,8%-عا ناقتى ءوسۋى كەزىندە 2025 جىلعا تارگەت – 7% مولشەرىندە دەپ بەلگىلەنىپ وتىر. بۇل ەكونوميكانىڭ ناقتى سەكتورىنىڭ ينۆەستيتسيالىق جوبالارىن ۋاقتىلى ىسكە اسىرۋ كەزىندەگى وتە جوعارى, بىراق قول جەتكىزۋگە بولاتىن كورسەتكىش.
ەنەرگەتيكا ۆيتسە-ءمينيسترى ەرلان اقكەنجەنوۆ ايتۋىنشا, قاڭتار ايىنىڭ قورىتىندىسى بويىنشا مۇناي وڭدەۋ 1,53 ملن توننانى قۇرادى نەمەسە وتكەن جىلعى قاڭتارداعى كورسەتكىشپەن سالىستىرعاندا – 104%. بۇل كورسەتكىش 2025 جىلعى ءبىرىنشى ايداعى جوسپاردان 0,6%-عا الدا.
قازاقستاننىڭ ءجىو قۇرىلىمىنداعى جالپى مۇناي وڭدەۋ ۇلەسى 1%-دان از (2023 جىلى – 0,8%, 2024 جىلى 9 ايدا – 0,6%). سونىمەن قاتار مۇناي وڭدەۋ سالاسى – بۇل قوسىلعان قۇنى جوعارى ءونىم ءوندىرىسى. 2025 جىلعى مامىردىڭ سوڭىندا «CaspiBitum» بك جشس كەڭەيتۋ جوباسىن ىسكە اسىرۋ اياقتالعاننان كەيىن ونىڭ قايتا وڭدەۋ قۋاتى 1 ملن توننادان 1,5 ملن تونناعا دەيىن ۇلعايۋى ءتيىس. 2026 جىلى قازاقستاندا قايتا وڭدەۋ قۋاتىنىڭ جيىنتىق كولەمى 18 ملن توننادان 18,5 ملن تونناعا دەيىن وسەدى.
ۆيتسە-پرەمەر ءىرى قايتا وڭدەۋ زاۋىتتارى مەن شاعىن ءموز جۇكتەمەسىنە قاتىستى وزەكتى ماسەلەلەردى تىڭدادى.
«قانداي دا ءبىر ەلەۋلى سىرتقى فاكتور بولماسا, مۇناي وڭدەۋ سالاسىندا بيىل قازاقستاننىڭ ءجىو-گە ۇلەسىن ۇلعايتۋعا جاقسى مۇمكىندىك بار», دەدى سەرىك جۇمانعارين.
سونىمەن قاتار ماڭعىستاۋ وبلىسىنىڭ تارگەتتەلەتىن فيزيكالىق ءوسۋ يندەكسىنىڭ قۇرامداس بولىگى جەكەلەي قاراستىرىلعان. وسى جىلعا ارنالعان 7%-دىق ءوسۋ مىندەتى كەزىندە قاڭتاردىڭ قورىتىندىسى بويىنشا اۋىل شارۋاشىلىعى مەن بالىق شارۋاشىلىعىندا (جوسپارداعى 101%-دان 87,5%-عا) جانە ساۋدادا (نىسانالى 105,4%-دىڭ ورنىنا 102%) كورسەتكىشتەردىڭ تومەن ورىندالۋى بايقالعان.
ۆيتسە-پرەمەر الداعى ايلاردا قويىلعان جوسپاردىڭ ورىندالۋىن قامتاماسىز ەتۋدى تاپسىردى. ەلىمىزدىڭ ءجىو-دەگى ساۋدانىڭ ايتارلىقتاي ۇلەسىن ەسكەرە وتىرىپ (2024 جىلى 19%) شتابتىڭ جاقىن اراداعى وتىرىستارىنىڭ ءبىرى قويماسى بار ساۋدا مەن كولىك سالاسىنا ارنالادى.
سونداي-اق شتاب وتىرىسىندا ءوڭىردىڭ بيۋدجەتتىك-ينۆەستيتسيالىق جوبالارىنا قاراجاتتىڭ تومەن يگەرىلۋ سەبەپتەرى قارالىپ, تالداۋ جاسالدى. ۆيتسە-پرەمەر شۇعىل قارجىلاندىرۋدى قاجەت ەتەتىن بارلىق جوبانى ولاردىڭ ەكونوميكانىڭ ناقتى سەكتورىنا سالىمدى ۇلعايتۋعا اسەر ەتۋ پريزماسى تۇرعىسىنان زەردەلەۋدى تاپسىردى.
