ۇكىمەت باسشىسىنىڭ ايتۋىنشا, اگرارلىق سەكتور مەن وڭدەۋشى سالادا سوڭعى 10 جىل ىشىندەگى ەڭ قارقىندى ءوسىم تىركەلدى.
«مۇناي ءوندىرۋ كولەمى 2 ملن 400 مىڭ تونناعا تومەندەپ, جالپى ىشكى ءونىمنىڭ ءوسۋ قارقىنىنا كەرى اسەرىن تيگىزدى. بۇل كوبىنە ەلىمىزدىڭ وپەك+ شەڭبەرىندەگى مىندەتتەمەلەرىنە جانە ءىرى كەن ورىندارىنداعى كۇردەلى جوندەۋ جۇمىستارىنا بايلانىستى بولدى», دەدى ۇكىمەت باسشىسى.
سالالار بويىنشا ستاتيستيكالىق ءوسۋ كورسەتكىشتەرىنىڭ ناقتى ناتيجەلەرى مىناداي:
- 29 ءىرى زاۋىت سالىندى. ولاردىڭ قاتارىندا قوستاناي وبلىسىندا شويىن قۇيۋ; الماتى وبلىسىندا ۆولفرام جانە جىلۋ وقشاۋلاعىش ماتەريالدار وندىرەتىن; شىمكەنتتە باعالى مەتالداردى وڭدەۋ; قاراعاندى وبلىسىندا كاتودتى مىس, اۆتوموبيل شينالارى مەن تۇرمىستىق تەحنيكا شىعاراتىن جانە باسقا دا كاسىپورىنداردى اتاپ كورسەتۋگە بولادى. ساران قالاسىندا زاماناۋي وندىرىستەردىڭ ىسكە قوسىلۋى وعان مونوقالالار ساناتىنان شىعۋعا مۇمكىندىك بەردى.
- 26 ملن توننادان استام استىق, 3 ملن توننادان استام مايلى داقىلدار جينالدى. 4 ملن توننا استىق ەكسپورتقا جونەلتىلدى.
- العاش رەت ەلىمىزدە 19 ملن شارشى مەتر تۇرعىن ءۇي سالىندى.
- 397 دەنساۋلىق ساقتاۋ, 298 ءبىلىم بەرۋ نىسانى بوي كوتەردى.
- 11 مىڭ ورىنعا ارنالعان 40 ستۋدەنتتىك جاتاقحانا پايدالانۋعا بەرىلدى.
- جۇك تاسىمالىنىڭ كولەمى وتكەن جىلى 10%-عا ءوسىپ, شامامەن 1 ملرد تونناعا جەتتى.
- ترانسكاسپي حالىقارالىق كولىك باعىتى بويىنشا كونتەينەرلىك تاسىمالداۋ 2,7 ەسەگە ۇلعايدى.
- قۇرىلىس جانە جوندەۋ جۇمىستارىمەن 12 مىڭ شاقىرىم اۆتوموبيل جولدارى جانە 2 مىڭ 800 شاقىرىم تەمىرجول قامتىلدى.
- الماتى, قىزىلوردا جانە شىمكەنت اۋەجايلارىندا ءۇش جاڭا تەرمينال پايدالانۋعا بەرىلدى.
- قوسىمشا 300 مىڭنان استام ادام گازبەن قامتىلىپ, 200 مىڭنان استام ادام ورتالىقتان بەرىلەتىن سۋ جۇيەسىنە قوسىلدى.
- 542 شاقىرىم جىلۋ جەلىلەرى مەن 55 جىلۋ كوزى جاڭعىرتىلىپ, 6,5 مىڭ شاقىرىم ينجەنەرلىك جەلىلەر جوندەلدى.
- جالپى قۋاتى 700 مۆت-تان اساتىن قوسىمشا ەلەكتر قۋاتىن ءوندىرۋ كوزدەرى ىسكە قوسىلدى.
- ەگىنشىلەر سۋارمالى سۋمەن تولىق كولەمدە قامتاماسىز ەتىلدى. ارال تەڭىزىنە 2 ملرد
600 ملن. تەكشە مەتر سۋ جىبەرىلدى. بۇل ورتاشا جىلدىق كورسەتكىشتەن ەداۋىر جوعارى. - جالپى ۇزىندىعى 400 شاقىرىمنان اساتىن 80 سۋ ارناسىن جاڭعىرتۋ جۇمىستارى اياقتالدى. سۋ ۇنەمدەۋ تەحنولوگيالارىمەن قامتىلعان ەگىس القابى 1,5 ەسەگە ارتىپ, 470 مىڭ گەكتارعا دەيىن جەتكىزىلدى.
- ينۆەستيتسيالىق شتابتا جالپى قۇنى 50 ملرد دوللار بولاتىن 115 جوبا بويىنشا پروبلەمالىق ماسەلەلەر تەز ارادا شەشىمىن تاپتى.
ايتا كەتۋ كەرەك, ينۆەستيتسيالىق شتاب ءىستىڭ مۇددەسىن نازارعا الىپ, بيۋروكراتيالىق ماسەلەلەرگە قاراماستان, ەلگە قاجەتتى جوبالاردى دەر كەزىندە باستاۋعا مۇمكىندىك بەرەتىن شەشىمدەردى قابىلداپ جاتىر.
ءارى قاراي ول ىسكەرلىك احۋالدى جاقسارتۋ ءۇشىن ناقتى پروبلەمالىق كەيستەر نەگىزىندە زاڭنامالىق وزگەرىستەردى ازىرلەيدى. قازىرگى تاڭدا 97 تۇزەتۋ بويىنشا وسىنداي جۇمىس ءجۇرىپ جاتىر.
ولجاس بەكتەنوۆتىڭ ايتۋىنشا, وڭىرلەر بولىنىسىندە وتكەن جىلدىڭ قورىتىندىسى بويىنشا ەڭ جوعارى ەكونوميكالىق ءوسىم سولتۇستىك قازاقستان, قاراعاندى, تۇركىستان, قىزىلوردا وبلىستارى مەن استانا جانە شىمكەنت قالالارىندا تىركەلگەن. نەگىزگى كورسەتكىشتەردىڭ تومەن ديناميكاسى ۇلىتاۋ, اتىراۋ, باتىس قازاقستان, جامبىل وبلىستارىندا قالىپتاستى.
