فوتو: مادەنيەت جانە اقپارات مينيسترلىگى
بايقاۋ ۇلتتىق فورتەپيانو مەكتەبىن دامىتىپ, دارىندى جاس مۋزىكانتتاردى قولداۋعا, سونداي-اق كلاسسيكالىق جانە اكادەميالىق مۋزىكانى, وتاندىق كومپوزيتورلاردىڭ مۋزىكاسىن جانە فورتەپيانودا ورىنداۋ شەبەرلىگىن دارىپتەۋگە باعىتتالعان.
ۇيىمداستىرۋشىلار قاتىسۋشىلاردىڭ ورىنداۋ شەبەرلىگىن ارتتىرۋ, ولاردىڭ كاسىبي دامۋىنا ۇلەس قوسۋ جانە حالىقارالىق جوبالارعا دايىندىق جاساۋ سەكىلدى مىندەتتەردى العا قويادى. سونىمەن قاتار, ءىس-شارا بارىسىندا تاربيەشىلەر مەن وقۋشىلار اراسىندا تاجىريبە الماسۋعا دا جاعداي جاسالعان.
بايقاۋعا قازاقستاننىڭ مادەنيەت جانە ونەر سالاسى بويىنشا ءبىلىم بەرۋ ۇيىمدارىندا «فورتەپيانو» ماماندىعىندا وقيتىن 7 جاستان 18 جاسقا دەيىنگى جاس پيانيستەر قاتىسا الادى. بايقاۋ ءتورت جاس كاتەگورياسى بويىنشا وتەدى. اتاپ ايتساق, 7-9 جاس, 10-12 جاس, 13-15 جاس جانە 16-18 جاس ارالىعىنداعى ونەرپازدار.
ايتا كەتەيىك, الدىڭعى «Astana Piano Passion» كونكۋرستارىنىڭ گران-پري جəنە ءبىرىنشى ورىن يەگەرلەرى بۇل دوداعا سول جاس كاتەگورياسىندا قاتىسا المايدى.
بايقاۋدىڭ ءبىرىنشى كۇنى «س» ساناتىنداعى قاتىسۋشىلاردىڭ جەرەبەسى مەن تىڭدالىمى جانە قر ەڭبەك سىڭىرگەن ءارتىسى ا. تەبەنيحيننىڭ شەبەرلىك سىنىبى ءوتتى. كونكۋرستىڭ ونلاين-ترانسلياتسياسىن قازۇوۋ YouTube-ارناسىنان تاماشالاۋعا بولادى.
قوسىمشا اقپاراتتى www.pianopassion.kz سايتىنان كورە الاسىزدار.
