فوتو: inbusiness.kz
شىمكەنت قالاسى پوليتسيا دەپاتامەنتى ءباسپاسوز قىزمەتىنىڭ مالىمەتىنشە, اۆتوبۋس ءجۇرىپ بارا جاتقاندا ونىڭ جۇرگىزۋشىسىن ماساڭ كۇيدەگى جولاۋشى سوققىعا شىققان. سول ساتتە جۇرگىزۋشى تەجەگىشتى جەدەل باسقاندا, ەسىك الدىندا تۇرعان ايەل قۇلاپ كەتكەن. ايەل سول جاراقاتىنان جەدەل جاردەم جەتكەنشە كوز جۇمعان.
«جاراقات العان جۇرگىزۋشى اۋرۋحانادا. جالپى جولاۋشىلاردىڭ قوعامدىق كولىكتەگى قاۋىپسىزدىگىن قامتاماسىز ەتۋ ماقساتىندا, جۇرگىزۋشىلەردى قولما-قول اقشا الۋدان بوساتۋ بويىنشا قالا اكىمىنىڭ قاۋلىسى اشىق نورماتيۆتىك قۇقىقتىق اكتىلەر پورتالىندا ەنگىزىلىپ, تالقىلاۋدان ءوتىپ جاتىر. ودان بولەك, جۇرگىزۋشىلەردى جولاۋشىلاردان وقشاۋلاۋ اينەگىن تەحنيكالىق رەگلامەنتكە سايكەس ورناتۋ پىسىقتالۋدا», دەدى شىمكەنت قالاسىنىڭ جولاۋشىلار كولىگى جانە اۆتوموبيل جولدارى باسقارماسى باسشىسىنىڭ ورىنباسارى شەرزات سۇتتىباەۆ.
جەرگىلىكتى پوليتسيا كۇدىكتى قاماۋعا الىنىپ, سوت-مەديتسينالىق ساراپتاما تاعايىندالعانىن مالىمدەدى.
