ايدا بالاەۆا ەكى ەل اراسىنداعى مادەني بايلانىستىڭ ماڭىزىن اتاپ ءوتتى. ء«بىز بەلارۋس رەسپۋبليكاسىمەن مادەني-گۋمانيتارلىق, جاستار جانە باسقا دا سالالارداعى ىنتىماقتاستىققا ۇلكەن ءمان بەرەمىز. ەكى ەل اراسىندا شىعارماشىلىق الماسۋلار ءجۇرىپ, سوليستەر سپەكتاكلدەرگە, ءتۇرلى جوبالار مەن كونتسەرتتەرگە تۇراقتى تۇردە قاتىسىپ تۇرادى. ءبىزدىڭ بىرلەسكەن جوبالارىمىز دوستىق قارىم-قاتىناستى نىعايتۋعا ىقپال ەتەتىنىنە سەنىمدىمىن», دەدى مينيستر.
پاۆەل ۋتيۋپين جەمىستى ىنتىماقتاستىق ءۇشىن العىس ءبىلدىرىپ, مادەني الماسۋدىڭ ماڭىزىن اتاپ ءوتتى. «بەلارۋس تاراپى ءىس-شاراعا قازاقستان ارتىستەرى قاتىساتىن بولسا, قۋانىشپەن قابىلداۋعا ءازىر. شىلدە ايىندا ۆيتەبسكىدەگى «سلاۆيان بازارى» حالىقارالىق ونەر فەستيۆالىندە قازاقستاننىڭ دارىندى ارتىستەرىن كۇتەمىز. مۇنداي باستامالار ءبىزدىڭ حالىقتاردى جاقىنداستىرۋعا جانە ەكىجاقتى قارىم-قاتىناستى نىعايتۋعا كومەكتەسەدى», دەپ اتاپ ءوتتى ەلشى.
قاتىسۋشىلار اتالعان جوبالاردى عانا ەمەس, ىنتىماقتاستىقتى ارتتىرۋ كەلەشەگىن دە تالقىلادى. ەكىنشى دۇنيەجۇزىلىك سوعىستاعى جەڭىستىڭ 80 جىلدىعىنا وراي فيلم ءتۇسىرۋدى قاراستىرۋ ۇسىنىلدى, بۇل ەكى ەلگە ورتاق تاريح پەن مادەني مۇرانىڭ ماڭىزىن كورسەتەدى.
سونداي-اق تاراپتار ەكىجاقتى كۇن تارتىبىنە قاتىستى وزەكتى ماسەلەلەردى كوتەردى. ىنتىماقتاستىقتى نىعايتۋدى اتاپ ءوتىپ, ءوزارا بايلانىستىڭ الەۋەتىن ارتتىرۋ ءۇشىن جۇمىس توبىن قۇرۋعا دايىن ەكەنىن ءبىلدىردى.
