21 جاستاعى وسەربەي اقان بيىل كۇزدە ورالۋى ءتيىس ەدى. ايدىڭ-كۇننىڭ امانىندا ۇلىمىزدان ايىرىلدىق دەگەن ساربازدىڭ تۋىستارى وقىس وقيعا بولدى دەگەنگە سەنبەيدى.
وسەرباي اقان الماتى وبلىسى قاراساي اۋدانىنىڭ تۋماسى. ۇيىندە بالانىڭ ۇلكەنى. بىلتىر كۇزدە وتان الدىنداعى بورىشىن وتەۋگە اياگوز قالاسىنا كەتكەن. مارقۇمنىڭ تۋعان-تۋىستارى بالاسىنىڭ دەنەسى تەحنيكانىڭ استىندا قالعانىنا سەنبەيدى.
– بالامدى كورۋگە مەنىڭ ايعايىممەن, ۇرسۋىممەن ارەڭ كىردىك. جالعىز ءوزىمدى مايىتحاناعا كىرگىزدى. كوردىم. بتر-دىڭ استىنا ءتۇسىپ قالعان دەيدى. بىلمەيمىن. بالام سول قالپىندا جاتىر. ەگەر دە سونداي اۋىر تەحنيكانىڭ استىنا ءتۇسىپ قالسا, ەزىلىپ قالماي ما؟ – دەيدى مارقۇمنىڭ اناسى بانۋ اقانقىزى 31 ارنا تىلشىلەرىنە.
ايتا كەتەيىك, بۇعان دەيىن قورعانىس مينيسترلىگى تاراتقان مالىمەتتە وقۋ-جاتتىعۋ بارىسىندا قاۋىپسىزدىك ەرەجەلەرىنىڭ ساقتالماۋىنا بايلانىستى اياگوز گارنيزونىنداعى اسكەري بولىمدەردىڭ ءبىرىنىڭ مەرزىمدى قىزمەتتەگى اسكەري قىزمەتشىسى جاراقات الىپ, كوز جۇمعانى ايتىلعانى حابارلانعان ەدى. قورعانىس مينيسترلىگى اتالعان فاكتى بويىنشا قىزمەتتىك تەكسەرىس تاعايىندالىپ, قىلمىستىق ءىس قوزعالعانىن, كىنالى جانە لاۋازىمدى تۇلعالار قىلمىستىق كودەكس جانە تارتىپتىك جارعى اياسىندا ءتيىستى جاۋاپكەرشىلىككە تارتىلاتىنىن حابارلاعان.
