فوتو: aqparatqogam
«پرەزيدەنت 1 قىركۇيەكتە ەلىمىزدىڭ الەۋمەتتىك-ەكونوميكالىق دامۋىنا, ناتيجەسىندە وتانداستاردىڭ ءومىر ءسۇرۋ دەڭگەيىن ارتتىرۋعا ارنالعان رەفورمالاردىڭ جاڭا پاكەتىن ۇسىندى. وڭ وزگەرىستەردىڭ ماڭىزدى شارتى - ازاماتتىق قوعامنىڭ بەلسەندى قاتىسۋى. الماتى وبلىسىنىڭ ازاماتتىق سەكتور وكىلدەرى ۇنەمى بەلسەندىلىك تانىتىپ, قوعامدىق-ساياسي پروتسەستەرگە بەي-جاي قارامايتىنى قۋانتادى», دەدى ايدا بالاەۆا.
مينيستر الماتى وبلىسى تۇرعىندارىنىڭ سۇراقتارىنا جاۋاپ بەرىپ, ولاردىڭ ۇسىنىستارىن تىڭدادى. كەزدەسۋگە قاتىسۋشىلار ايدا بالاەۆاعا سوڭعى جىلدارى وتاندىق كينويندۋستريادا شىعارىلىپ جاتقان كونتەنتكە نازار اۋدارۋدى سۇرادى. سونىمەن قاتار بلوگەرلەردىڭ, الەۋمەتتىك جەلىدەگى پابليك اكىمشىلەرىنىڭ جاۋاپكەرشىلىگىن كۇشەيتۋ, شىندىققا سايكەس كەلمەيتىن جانە حالىقتى اداستىراتىن اقپاراتتى ورنالاستىرۋعا قاتىستى ماسەلە قوزعالىپ, ۇسىنىستار ايتىلدى.
ودان بولەك, حالىقتىڭ ءدىني ساۋاتىن ارتتىرۋ, بالالار ادەبيەتىن باسىپ شىعارۋعا قولداۋ كورسەتۋ دە ايتىلدى.
ازاماتتاردى جەكە قابىلداۋ بارىسىندا ۆەدومستۆو باسشىسى جاس مامانداردىڭ جالاقىسىن كوتەرۋگە بايلانىستى سۇراقتارعا جاۋاپ بەردى. وڭىردەگى ازاماتتىق سەكتور وكىلدەرى تاريحي جانە مادەني مۇرا سالاسىنداعى جوبالاردى ىسكە اسىرۋعا قولداۋ كورسەتىلسە دەگەن ۇسىنىسىن ايتتى. رەسپۋبليكالىق ءھام وڭىرلىك باق ولدەرىمەن دە جۇزدەسىپ, مەديا ءورىستى دامىتۋدىڭ ماڭىزىن تالقىلادى.
