قىلمىس قاراعاندى وبلىسى پوليتسيا دەپارتامەنتىنىڭ ۇيىمداسقان قىلمىسقا قارسى كۇرەس باسقارماسى پروكۋراتۋرانىڭ ۇيلەستىرۋىمەن اشكەرە بولدى.
سونىمەن قاتار قىلمىستىق توپتىڭ قاتىسۋشىلارى قارۋلاردى قولدانىپ, كريمينالدىق جانجالدارعا قاتىسقان. اتالعان ايماقتاعى اباي اۋدانىنا قاراستى تەمىرجول ستانتسياسىندا تاسىمالداناتىن جۇكتەردى دە ۇرلاعان. كۇدىكتى ادامداردى ۇستاۋ بارىسىندا 15-كە جۋىق ءتىنتۋ ءىس-شارالارى جۇرگىزىلدى, سونىڭ ناتيجەسىندە تىركەلمەگەن اتىس جانە سۋىق قارۋلار, سونداي-اق وق-دارىلەر مەن ءدىني ادەبيەتتەر تاركىلەندى.
بارلىعى 10 ادام ۇستالدى, ولاردىڭ ىشىندە توپتىڭ كوشباسشىسى مەن ەڭ بەلسەندى ءتورت مۇشەسى قاماۋعا الىندى.
«قازىرگى ۋاقىتتا قىلمىستىق توپ مۇشەلەرىنىڭ باسقا دا وسىنداي قىلمىستارعا قاتىسى بار-جوعى تەكسەرىلىپ جاتىر. قىلمىستىق ءىستى قاراعاندى وبلىسى پوليتسيا دەپارتامەنتى تەرگەۋدى قولعا الدى. قىلمىستىق پروتسەسكە قاتىسۋشىلاردىڭ مۇددەلەرى ءۇشىن سوتقا دەيىنگى تەرگەپ-تەكسەرۋدىڭ باسقا مالىمەتتەرى جاريا ەتىلمەيدى», دەدى قر ءىىم ۇيىمداسقان قىلمىسقا قارسى كۇرەس دەپارتامەنتىنىڭ وكىلى قۋاندىق الپىس.
