فوتو: تۇركىستان وبلىسى اكىمىنىڭ ءباسپاسوز قىزمەتى
ارىس قالاسىنا قاراستى بايىرقۇم اۋىلىنداعى م.شاحانوۆ اتىنداعى مەكتەپتىڭ روبوتوتەحنيكا ۇيىرمەسىنىڭ جەتەكشىسى ورازبەك سمايلدان روبوت جاساۋدىڭ نەگىزىن ۇيرەنىپ, ۇنەمى ءبىلىمىن جەتىلدىرىپ كەلە جاتقان ءا.مەدەۋ كوپ ىزدەنىستىڭ ناتيجەسىندە بيىل ادامنىڭ تولىقتاي قاتىسۋىنسىز وزدىگىنەن اۆتوتۇراق قىزمەتىن رەتتەيتىن عيمارات جوباسىن ويلاپ تاپقان.
قازىرگى ۋاقىتتا ءىرى قالالاردا ەڭ وزەكتى ماسەلەنىڭ ءبىرى – اۆتوتۇراقتاردىڭ جەتكىلىكسىزدىگى ەكەنى ءمالىم. وسى تۇرعىدا جاس ونەرتاپقىشتىڭ جوباسى كوپتەگەن بايقاۋلاردا توپ جارعان. ال بيىل ناۋرىز ايىندا شۋچە قالاسىندا وتكەن رەسپۋبليكالىق بايقاۋدا ءىى ورىندى جەڭىپ العان.
ايتا كەتسەك, جاس عالىم ادىلەت مەدەۋ ءوزىنىڭ «اۆتوماتتاندىرىلعان اۆتوتۇراق» جوباسىنا اۆتورلىق قۇقىقتى الۋ ماقساتىندا «قازپاتەنت» ۇلتتىق زياتكەرلىك مەنشىك ينستيتۋتىنا قۇجاتتارىن وتكىزىپ, زياتكەرلىك مەنشىك كۋالىگىن الۋدى جوسپارلاپ وتىر.
