ايسۇلتان سەيىتوۆتىڭ تۋىندىسى «ۇزدىك فيلم» جانە «ۇزدىك وپەراتورلىق جۇمىس» سىندى ەكى اتالىمدا ۇسىنىلعان. باستى اتالىمدا جاپونيادان, قىتايدان, گرۋزيادان كەلگەن ەڭبەكتەرمەن تالاسقا تۇسەدى. ولاردىڭ اراسىندا بيىلعى ۆەنەتسيا كينوفەستيۆالىندە قازىلار القاسىنىڭ ارنايى جۇلدەسىنىڭ يەگەرى اتانعان ريۋسۋكە حاماگۋتيدىڭ «زۇلىمدىق جوق» اتتى تۋىندىسى دا بار.
ال دارحان تولەگەنوۆ پەن اسحات كۋچينچيرەكوۆ ەڭبەكتەرى «ۇزدىك رەجيسسەر» جانە «ۇزدىك جاستار ءفيلمى» اتالىمدارىنا ىلىكتى. تولەگەنوۆ قاتىسقان اتالىمدا جوعارىدا ايتىلعان حاماگۋتي مەن 2023 جىلعى «ساندەنس» جانە بەرلين كينوفەستيۆالدەرىنىڭ قاتىسۋشىسى سەلين سون دا باق سىناپ وتىر. سوندىقتان تارتىستى باسەكە بولعالى تۇر. وتاندىق ءۇش كارتينا رەجيسسەرلاردىڭ دەبيۋتتىك جۇمىستارى.
«قاش» فيلمىندە قازاق دالاسىنداعى 30-جىلدارداعى اشارشىلىق كەزىندەگى حالىقتىڭ مەحناتتى اۋىر تاعدىرى كورسەتىلەدى. قابىر قازۋشى يساتاي ءوز اۋىلىن قۇتقارۋ ءۇشىن قاۋىپتى ميسسياعا بارادى. بىراق جولدا كەزبە ادام كەزدەسىپ, ونى تۋرا جولدان اداستىرادى.
ايتا كەتەيىك, ايسۇلتان سەيىتوۆ جازدا شانحاي حالىقارالىق كينوفەستيۆالىندە وسى جۇمىسى ءۇشىن «ۇزدىك رەجيسسەر» اتالىمىن جەڭىپ العان بولاتىن.
