اتالعان ءىس-شاراعا فيلولوگيا عىلىمدارىنىڭ دوكتورى, پروفەسسور ايگۇل ىسماقوۆا, تالاسبەكتىڭ جارى, بەلگىلى ميفولوگ زيرا ناۋرىزباەۆا, اقىن ەربول الشىنباي, تاعى باسقا زامانداس دوستارى مەن شاكىرتتەرى قاتىسىپ, پىكىرلەرىن ورتاعا سالدى.
اۆتوردىڭ تاتتىمبەتكە قاتىستى ء«تالتۇس» رومانى سوروس-قازاقستان قورىنىڭ «قازىرگى زامانعى قازاقستان رومانى» ادەبي بايگەسىنىڭ لاۋرەاتى اتانعانىن ادەبيەتسۇيەر قاۋىم بىلسە كەرەك. جازۋشىنىڭ كوزى تىرىسىندە جارىق كورگەن اتالعان كىتابىن 2019 جىلى «Shelley Fairweather Vega» (شەللي فەيرۋەزەر ۆەگا) اعىلشىن تىلىنە اۋدارىپ, ول «A Life at Noon مۇراعاتتالعان 29 تامىزدىڭ 2019 جىلى» دەگەن اتپەن ينديانا ۋنيۆەرسيتەتىنىڭ «Slavica Pub» باسپاسىنان شىقتى. سونىمەن قاتار رومان «رۋحاني جاڭعىرۋ» مەملەكەتتىك باعدارلاماسى اياسىندا بۇۇ-نىڭ رەسمي تىلدەرىنە اۋدارىلعان.
«2013 جىلى تالاسبەكتىڭ كوزى تىرىسىندە ءىىى تومدىق جيناعىن قۇراستىرىپ, جاس كەزىندە تالاسبەكتى قولداپ, شىعارماشىلىقتارىن تالداپ پىكىر جازعان, كەيىننەن ءبىر-ءبىر باسپانىڭ تۇتقاسىن ۇستاعان ىنىشەكتەرىنە كىرىپ شىقتىم. «اعالارىڭ 2015 جىلى 60 جاسقا تولادى, ءالى كۇنگە دەيىن ءبىر عانا كىتابى شىقتى, مەرەيتويىنا سىيلىق جاسامايمىز با؟», دەپ ەدىم. ەشقايسىسى قوزعالمادى.
2014 جىلى تالاسبەك اسەمقۇلوۆ دۇنيەدەن وزدى. ادال شاكىرتتەرى مەن باسقا دا جاستار جۇمىلىپ, 2015 جىلى 10 تومدىق دايىندادىق. «قازاق ەنتسيكلوپەدياسى» باسپاسىنىڭ سول كەزدەگى باس رەداكتورى نۇرىمجان ماۋىتوۆ قولداپ, 2016 جىلى 5 توم شىقتى, مىنە, تاعى 3 توم قوسىلدى.
سونىمەن 10 جىل بۇرىن باستالعان جوبا ىسكە استى. ەكى توم تاڭدامالى اۋدارمالارىن كەيىنگە قالدىردىق, ويتكەنى اۆتورلىق قۇقىق ماسەلەسى قيىنداۋ ەكەن. جارتى جىل سەرب جازۋشىسى, نوبەل سىيلىعىنىڭ لاۋرەاتى يۆو اندريچ قورىمەن حات جازىستىم, بىراق رۇقسات الا المادىم. دالىرەك ايتقاندا, ولار رۇقسات بەرەدى, بىراق ول اۋدارعان جازۋشىنىڭ اتى مۇقابادا تۇرۋ كەرەك. كوپتومدىقتىڭ مۇقاباسىندا تالاسبەكتىڭ اتى عانا جازىلىپ كەلەدى عوي. ەكىنشى تومدا جاپون كوبو ابە جانە سول قاتارلى جازۋشىلار. قۇقىق ماسەلەسى تىم ۇزاققا سوزىلاتىن بولدى. سوندىقتان ازىرگە وسى 8 توممەن توقتادىق. وسىمەن دەگەنىم, تالاسبەكتىڭ جاس كەزىندە تالاي قولجازباسى جوعالدى. ولار تابىلا ما ەكەن؟..», دەيدى جازۋشى مۇرالارىنا باس-كوز بولىپ, جيناقتاپ باستىرىپ جۇرگەن جارى زيرا ناۋرىزباەۆا.
رەسپۋبليكالىق دەڭگەيدە داستۇرگە اينالىپ كەلە جاتقان تالاسبەك سىيلىعىنىڭ «ۇزدىك ادەبي شىعارما» اتالىمىن ءاليحان جاقسىلىق ەسىمدى جاس تالاپتىڭ «كرەستەن ءتۇسىرۋ» اڭگىمەسى يەلەندى. «تالاسبەكتانۋ» بويىنشا ۇزدىك ماقالا اتالىمىن التىنبەك مەرسادىق «ۇلكەن ۋاقىتتىڭ ءماتىنى» ەڭبەگى جەڭىپ الدى.
