تۇزەتۋلەر اكىمشىلىك-اۋماقتىق بىرلىكتەر قايتا قۇرىلعان كەزدە سايلاۋ كوميسسيالارىنىڭ وكىلەتتىكتەرىن ساقتاۋ جانە اۋىسۋ ماسەلەلەرىن رەتتەۋدى قاراستىرادى. سونداي-اق اۋماقتىق كوميسسيا مۇشەلەرىنىڭ بالا كۇتىمىنە بايلانىستى دەمالىسى نەمەسە وقۋ دەمالىسى كەزەڭىندە ولاردىڭ وكىلەتتىكتەرىن ۋاقىتشا توقتاتا تۇرۋ جانە ورنىنا ۋاقىتشا ادام تاعايىنداۋ تەتىگى ەنگىزىلەدى.
بۇدان بولەك, اكىم لاۋازىمىنا ۇمىتكەرلەردىڭ جيناعان داۋىستارى تەڭ بولعان جاعدايدا قايتا داۋىس بەرۋدى وتكىزۋ ءتارتىبى رەتتەلەدى. سونىمەن بىرگە كانديداتتاردى ۇسىنۋ پروتسەسى جۇيەلەنەدى: ءبىر ادام ءبىر ۋاقىتتا ءماسليحات دەپۋتاتتىعىنا دا, اكىمدىككە دە تۇسە المايدى, سونداي-اق بىردەن بىرنەشە سايلاۋ وكرۋگى بويىنشا اكىمدىككە كانديدات رەتىندە ۇسىنىلا المايدى.
پارلامەنت «پرەزيدەنت تۋرالى» كونستيتۋتسيالىق زاڭدى ەكىنشى وقىلىمدا قابىلدادى
اقپاراتتىق الاڭداردا سايلاۋ الدىنداعى ۇگىت-ناسيحات جۇرگىزگەن ماسەلەلەرىنە ەرەكشە نازار اۋدارىلدى. كانديدات ۇگىت ماتەريالدارىن ءوزىنىڭ ينتەرنەت-رەسۋرسىندا, سونداي-اق ونلاين-پلاتفورمالارداعى پاراقشالارىندا جاريالاي الادى. بۇل رەتتە كانديداتتار مەن ساياسي پارتيالارعا سايلاۋ قورلارىنان تىس قارجى تارتۋعا تىيىم سالىنادى.
داۋىس بەرۋ, داۋىستاردى ساناۋ نەمەسە قورىتىندىنى انىقتاۋ بارىسىندا كونستيتۋتسيالىق زاڭ نورمالارى بۇزىلعان جاعدايدا, جەكەلەگەن سايلاۋ ۋچاسكەلەرىندە نەمەسە اكىمشىلىك-اۋماقتىق بىرلىكتەردە سايلاۋدى جارامسىز دەپ تانۋ بويىنشا ورتالىق جانە اۋماقتىق سايلاۋ كوميسسيالارىنىڭ قۇزىرەتى تولىقتىرىلدى.
بۇدان بولەك, ەندى ازاماتتاردىڭ كونستيتۋتسيالىق قۇقىقتارىنىڭ ىسكە اسىرىلۋىن قامتاماسىز ەتۋ ءۇشىن ۇزدىكسىز وندىرىستىك تسيكلى بار ۇيىمداردا, سونداي-اق ۆاحتالىق ادىسپەن جۇمىس ىستەيتىن ورىنداردا سايلاۋ ۋچاسكەلەرى قۇرىلۋى مۇمكىن.
سونداي-اق داۋىس بەرۋ كۇنى تولتىرىلعان بيۋللەتەندى فوتوسۋرەتكە جانە (نەمەسە) ۆيدەوعا تۇسىرۋگە جانە تاراتۋعا تىيىم سالۋ ۇسىنىلادى, ويتكەنى بۇل سايلاۋ الدىنداعى ۇگىت-ناسيحات جۇرگىزۋمەن تەڭ دەپ ەسەپتەلەدى.
قۇرىلتايدىڭ وكىلەتتىگى مەن دەپۋتات مارتەبەسى زاڭمەن بەكىتىلدى
تۇزەتۋلەردىڭ تاعى ءبىر بلوگى كونستيتۋتسيالىق نورمالاردى ىسكە اسىرۋ ماقساتىندا ۇسىنىلدى. بۇل رەتتە اڭگىمە قۇرىلتايدى قۇرۋ, پروپورتسيونالدى جۇيەگە كوشۋگە بايلانىستى سايلاۋ زاڭناماسىن جەتىلدىرۋ, جەكەلەگەن ادامداردى لاۋازىمعا تاعايىنداۋ جانە بوساتۋ ماسەلەلەرى بويىنشا پرەزيدەنت پەن قۇرىلتاي اراسىندا وكىلەتتىكتەردى قايتا ءبولۋ, جالپىحالىقتىق رەفەرەندۋم وتكىزۋ جانە باسقا دا باعىتتار تۋرالى بولىپ وتىر.
