ۆيدەودان الىنعان سكرينشوت
الەۋمەتتىك جەلىلەردە وقيعا ورنىنان تۇسىرىلگەن ۆيدەولار تارادى. مالىمەتكە سايكەس, كادرلار الماتى وبلىسىنداعى تالدىبۇلاق – قاراكەمەر اۋماعىندا تۇسىرىلگەن. سونداي-اق وقيعا بولعان ماڭدا ەشقانداي اۋەجاي ورنالاسپاعانى ايتىلدى.
قازاقستاننىڭ كولىك مينيسترلىگى اتالعان جاعدايعا بايلانىستى تەكسەرۋ باستالعانىن مالىمدەدى.
«ان-2 اۋە كەمەسىمەن (تىركەۋ ءنومىرى UP-A0091) بولعان جاعداي ادام شىعىنى جوق اۆياتسيالىق وقيعا رەتىندە تىركەلدى. كولىك مينيسترلىگىنىڭ كولىكتەگى وقيعالار مەن ينتسيدەنتتەردى تەرگەۋ دەپارتامەنتى بارلىق ءمان-جايدى انىقتايدى», دەپ حابارلادى ۆەدومستۆو.
ءمان-جايدى انىقتاۋ ءۇشىن وقيعا ورنىنا ارنايى مامان جىبەرىلگەن.
ەسكە سالايىق, ازەربايجان مەن رەسەي 2024 جىلعى جەلتوقساندا اقتاۋ ماڭىندا بولعان ۇشاق اپاتى بويىنشا كەلىسىمگە كەلدى.
اقش-تىڭ ايداحو شتاتىندا وتكەن اۋە شوۋى كەزىندە ەكى جويعىش ۇشاق سوقتىعىستى.
