فوتو: اشىق دەرەككوز
قۇجاتقا سايكەس, پرەزيدەنت حالىق پەن مەملەكەتتىك بيلىك بىرلىگىنىڭ, كونستيتۋتسيانىڭ مىزعىماستىعىنىڭ, ادام جانە ازامات قۇقىقتارى مەن بوستاندىقتارىنىڭ نىشانى ءارى كەپىلى بولىپ قالا بەرەدى. كەزەكتەن تىس سايلاۋ ينستيتۋتى الىنىپ تاستالۋىنا بايلانىستى, ونى سايلاۋ ءراسىمىن, انت بەرۋ ءتارتىبىن جانە وكىلەتتىكتەردى ورىنداۋ كەزەڭىن رەتتەيتىن نورمالارعا ناقتىلاۋ ەنگىزىلدى.
زاڭدا مەملەكەت باسشىسىنىڭ بىرقاتار ماڭىزدى تاعايىنداۋ وكىلەتتىكتەرى دە بەكىتىلگەن. اتاپ ايتقاندا, پرەزيدەنت باس پروكۋروردى, كونستيتۋتسيالىق سوتتىڭ, ۇلتتىق قاۋىپسىزدىك كوميتەتىنىڭ, جوعارى اۋديتورلىق پالاتانىڭ, ورتالىق سايلاۋ كوميسسياسىنىڭ, ۇلتتىق بانكتىڭ توراعالارىن, ادام قۇقىقتارى جونىندەگى ۋاكىلدى جانە مەملەكەتتىك كۇزەت قىزمەتىنىڭ باستىعىن جەكە تاعايىنداۋ قۇقىعىن بەكىتەدى.
جوعارى سوت كەڭەسىنىڭ ۇسىنىسى بويىنشا جوعارعى سوت توراعاسىن تاعايىندايدى. قۇرىلتايدىڭ كەلىسىمى بويىنشا پرەزيدەنت ۆيتسە-پرەزيدەنتتى, پرەمەر-ءمينيستردى, كونستيتۋتسيالىق سوتتىڭ 10 سۋدياسىن, جوعارى اۋديتورلىق پالاتانىڭ 8 مۇشەسىن, ورتالىق سايلاۋ كوميسسياسىنىڭ 6 مۇشەسىن, سونداي-اق جوعارعى سوتتىڭ سۋديالارىن تاعايىندايدى جانە سايلايدى.
سونىمەن بىرگە ۆيتسە-پرەزيدەنت ينستيتۋتىن ەنگىزۋ كوزدەلىپ, ونىڭ قۇقىقتىق مارتەبەسى ايقىندالدى. ۆيتسە-پرەزيدەنت قۇرىلتاي, ۇكىمەت جانە وزگە دە مەملەكەتتىك ورگاندارمەن ءوزارا ءىس-قيمىل جاسايدى.
قۇجاتتا پرەزيدەنتتىڭ ادام قۇقىقتارى جونىندەگى ۋاكىلگە قاتىستى وكىلەتتىكتەرى دە رەتتەلىپ, مەملەكەتتىك ورگاندار اراسىنداعى وكىلەتتىكتەردىڭ اراجىگىن اجىراتۋ جانە تەجەمەلىك ءارى تەپە-تەڭدىك جۇيەسىن كۇشەيتۋ كوزدەلگەن.
ايتا كەتەيىك, 8 مامىردا ءماجىلىس دەپۋتاتتارى «پرەزيدەنت تۋرالى» كونستيتۋتسيالىق زاڭدى ءبىرىنشى وقىلىمدا قابىلداعان بولاتىن.
