فوتو: ماڭعىستاۋ وبلىستىق مادەنيەت, تىلدەردى دامىتۋ جانە ارحيۆ ءىسى باسقارماسى
Lada.kz سايتىنىڭ جازۋىنشا, قاپام اتا جارتاس مەشىتى تاۋشىق اۋىلىنان سولتۇستىك-باتىسقا قاراي 22 شاقىرىم جەردە ورنالاسقان. XIX عاسىرعا جاتاتىن نىسان وڭىردەگى سوپىلىق جانە ءداستۇرلى ءدىني تاجىريبەمەن بايلانىستى جەراستى عيبادات ورنى سانالادى. مەشىت جۇمساق تاۋ جىنىسىن ويىپ جاساۋ ارقىلى تۇرعىزىلعان.
2025 جىلعى 2 شىلدەدە نىسانعا تاريحي-مادەني ساراپتاما جۇرگىزىلىپ, ونىڭ قۇندى مۇرا ەكەنى راستالعان. سول كەزدە مەشىت باستاپقى قالپىندا بولعان. الايدا ارادا جارتى جىل وتكەندە نىساننىڭ كەلبەتى تۇبەگەيلى وزگەرگەنى انىقتالعان.
3 جىلعا سوتتالۋى مۇمكىن: ءىىم تاريحي ەسكەرتكىشتەردى بۇلدىرگەندەرگە قاتاڭ ەسكەرتۋ جاسادى
بەلگىسىز ادامدار جارتاس قۋىستارىنىڭ ءبىرىن كىرپىشپەن جاۋىپ, پلاستيك تەرەزە مەن ەسىك ورناتقان. ۆانداليزم دەرەگى 2025 جىلدىڭ جەلتوقسانىندا بەلگىلى بولدى. مادەنيەت باسقارماسى تاريحي ەسكەرتكىشكە ەلەۋلى زالال كەلگەنىن مالىمدەدى.
وسىعان بايلانىستى تۇپقاراعان اۋدانى اكىمدىگى مەن پوليتسيا بولىمىنە رەسمي حات جولدانعان. ازىرگە نىسان بۇرىنعى قالپىنا كەلتىرىلمەگەن. زاڭ بويىنشا قالپىنا كەلتىرۋ جۇمىستارى ەسكەرتكىشتى بۇلدىرگەن ادامنىڭ ەسەبىنەن جۇرگىزىلۋى ءتيىس.
ەگەر كۇدىكتى انىقتالسا, وعان اكىمشىلىك قۇقىق بۇزۋشىلىق تۋرالى كودەكستىڭ 145-بابى بويىنشا 10 اەك-تەن 200 اەك-كە دەيىن ايىپپۇل سالىنۋى مۇمكىن. بۇل – 43 250 تەڭگەدەن 865 000 تەڭگەگە دەيىنگى سوما.
ەسكە سالايىق, ماڭعىستاۋ وبلىسىنداعى ىبىقتى-ساي شاتقالىنا ويىپ جازۋ قالدىرعان شەنەۋنىك قىزمەتىنەن كەتكەن.
