فوتو: اشىق دەرەككوز
«وسى جىلدار ىشىندە Beu Fest قازاقستاننىڭ مادەني ءومىرىنىڭ اجىراماس بولىگىنە اينالىپ, تەك جەرگىلىكتى تۇرعىنداردىڭ عانا ەمەس, ەل قوناقتارىنىڭ دا نازارىن اۋدارا الدى. فەستيۆالدىڭ ءبىر باستى ەرەكشەلىگى – بۇل ەلىمىزدەگى Beu FM راديوستانتسياسىنىڭ تىكەلەي قولداۋىمەن وتەتىن جالعىز مۋزىكالىق فەستيۆال. راديو مەن ءتىرى مۋزىكانىڭ مۇنداي سينەرگياسى جوباعا بىرەگەي ستاتۋس بەرىپ, ونىڭ اۋقىمىن ودان ءارى كەڭەيتە تۇسەدى. بۇگىندە بۇل – مۋزىكالىق ترەندتەردى قالىپتاستىراتىن جانە ونداعان مىڭ ادال تىڭدارماننىڭ باسىن قوساتىن نەگىزگى الاڭ», دەلىنگەن حابارلامادا.
بيىل ۇيىمداستىرۋشىلار ەلدىڭ باستى حيتمەيكەرلەرىن ءبىر الاڭعا جينايدى. ساحنا تورىندە Ninety One, قايرات نۇرتاس, Shiza, ALEM, Yenlik, M'Dee, Ayau, Ghetto Dogs, جانار دۋعالوۆا, Bonapart, سونىمەن قاتار Ulukmanapo جانە ميربەك اتابەكوۆ ونەر كورسەتەدى.
