فوتو: vogue.com
يساك انديك 2024 جىلدىڭ جەلتوقسان ايىندا كاتالونياداعى مونسەررات تاۋىندا وتباسىمەن جاياۋ سەرۋەن كەزىندە كوز جۇمعان. وقيعادان كەيىن ۇلى اكەسىنىڭ تايىپ كەتىپ, 150 مەتر بيىكتىكتەن قۇلاعانىن ايتقان.
باستاپقىدا ول ءدال وسىنداي تۇسىنىكتەمەنى پوليتسياعا دا بەرگەن. الايدا تەرگەۋشىلەر ونىڭ سوزدەرىنەن قايشىلىقتار تاۋىپ, كەيبىر دالەلدەردى انىقتاعان سوڭ, كاسىپكەردىڭ ۇلىنان كۇدىكتەنەدى.
تەرگەۋ بارىسىندا اكە مەن بالانىڭ قارىم-قاتىناسى كۇردەلى بولعانى جانە قايعىلى وقيعا الدىندا ولاردىڭ جانجالداسقانى بەلگىلى بولدى.
كامەلەتكە تولماعان قىزدى زورلادى دەگەن كۇدىككە ىلىنگەن قىزمەتكەر اۋرۋحانادا قايتىس بولدى
سۋديا كىشى انديكتى ۋاقىتشا قاماۋعا الۋدى سۇراعانىمەن, ول 1 ميلليون ەۋرو كەپىل تولەگەننەن كەيىن بوساتىلدى. دجوناتان انديك اپتا سايىن سوتقا كەلىپ تۇرۋى ءتيىس, ونىڭ پاسپورتى تاركىلەنىپ, يسپانيادان شىعۋىنا تىيىم سالىندى. ءوزى جانە ادۆوكاتتارى بىرنەشە رەت كىناسىز ەكەنىن مالىمدەگەن.
سونداي-اق دجوناتان انديك كومپانيا ديرەكتورلار كەڭەسى توراعاسىنىڭ ورىنباسارى قىزمەتىن اتقارعانى حابارلاندى.
يساك انديك Mango برەندىن 1984 جىلى اعاسى ناحمانمەن بىرگە قۇرعان. كومپانيانىڭ 110 ەلدە 2 100-دەن استام دۇكەنى بار. ريتەيلەر 2023 جىلى رەكوردتىق كورسەتكىشكە جەتىپ, 3,1 ميلليارد ەۋرو تابىس تاپقان. يساك انديك 71 جاسىندا قايتىس بولدى.
بۇدان بۇرىن اتىراۋدى ءدۇر سىلكىندىرگەن جانگەلدين اۋىلىنداعى وتباسىنىڭ ولىمىنە قاتىستى تەرگەۋ اياقتالعانى تۋرالى حابارلادىق. كۇدىكتى تەك ادام ءولتىرىپ قانا قويماي, مارقۇمداردىڭ مالىن ساتىپ, اقشاسىن ۇرلاعان بولىپ شىقتى. ەندى ءول ومىر بويىنا باس بوستاندىعىنان ايىرىلۋى مۇمكىن.
