فوتو: اشىق دەرەككوز
دەپۋتات مۇندا زاڭعا قايشى ارەكەت جوق ەكەندىگىن اتاپ ءوتتى. الايدا ول جەتىستىكتەردىڭ باستى سەبەبى ءبىلىم ورتالىقتارىنىڭ ەمەس, مەكتەپ مۇعالىمدەرىنىڭ ەڭبەگى ەكەندىگىنە توقتالدى.
«بۇل تەك نزم, بيل نەمەسە نازارباەۆ ۋنيۆەرسيتەتىنە تۇسۋگە دايىندايتىن ورتالىقتاردىڭ ناتيجەسى ەمەس. بۇل – ەڭ الدىمەن ءبىزدىڭ مەكتەپتەگى مۇعالىمدەردىڭ جۇيەلى ەڭبەگىنىڭ جەمىسى. ويتكەنى مۇنداي ناتيجەگە ءۇش اپتادا, ءۇش ايدا نەمەسە ءبىر جىلدىڭ ىشىندە جەتۋ مۇمكىن ەمەس. مۇعالىمدەردىڭ ۇلكەن ەڭبەگىنىڭ ناتيجەسىندە ءبىزدىڭ بالالارىمىز گارۆاردقا, كەمبريدجگە, وكسفوردقا جانە باسقا دا الەمنىڭ جەتەكشى جوعارى وقۋ ورىندارىنا ءتۇسىپ جاتىر», دەدى اسحات ايماعامبەتوۆ.
سونداي-اق ول بەرىلەتىن سىيلىقتاردىڭ نەگىزىنەن ماركەتينگتىك قۇرال ەكەندىگىنە توقتالدى. حالىق قالاۋلىسىنىڭ سوزىنشە, ورتالىقتار جاڭا وقۋشىلاردى تارتۋعا تىرىسىپ, شاكىرتتەردىڭ جەتىستىگىن ءوز جۇمىسىنىڭ ناتيجەسى رەتىندە كورسەتەدى.
كولىك, پاتەر نەمەسە 50 ملن تەڭگە: تارازدىق تالاپكەر ۇبت-دان 140 بالل جينادى
ەسكە سالا كەتەيىك, بۇعان دەيىن تۇركىستاندا ۇبت-دان ەكى سىنىپتاس وقۋشىنىڭ ەڭ جوعارى 140 بالل جيناعانىن جازعان بولاتىنبىز.
