فوتو: اشىق دەرەككوز
قازاقستاننىڭ ۆاشينگتونداعى ەلشىلىگى ءوزىنىڭ رەسمي پاراقشاسىندا اسەل روبەرتستى جاڭا قىزمەتىمەن قۇتتىقتاپ, ونىڭ اقش تاريحىنداعى ەلشى قىزمەتىنە تاعايىندالعان العاشقى ەتنيكالىق قازاق ەكەنىن اتاپ ءوتتى.
اسەل روبەرتستىڭ بالالىق شاعى الماتى قالاسىندا وتكەن. كەيىن اقش-قا قونىس اۋدارعان. ول Georgetown University ۋنيۆەرسيتەتىن تامامداعان. ستۋدەنت كەزىندە اق ۇيدە تاعىلىمدامادان ءوتىپ, كەيىن امەريكالىق مەملەكەتتىك قىزمەت جۇيەسىندە مانسابىن باستاعان.
روبەرتس شامامەن 20 جىل بويى مەملەكەتتىك باسقارۋ سالاسىندا ەڭبەك ەتىپ, اقش-تىڭ بىرنەشە قۇرلىقتاعى ديپلوماتيالىق ميسسيالارىمەن ءوزارا ءىس-قيمىلدى ۇيلەستىرگەن. سونداي-اق ءتۇرلى مەملەكەتتىڭ وكىلدەرىمەن كەلىسسوز جۇرگىزگەن.
ول بىرنەشە اقش پرەزيدەنتى اكىمشىلىگىندە جۇمىس ىستەدى. ەڭبەك جولىن باراك وبامانىڭ تۇسىندا باستاپ, كەيىن دجو بايدەن اكىمشىلىگى كەزىندە دە قىزمەتىن جالعاستىرعان.
اسەل روبەرتس قازاق, اعىلشىن, ورىس جانە جاپون تىلدەرىن ەركىن مەڭگەرگەن.
ەسكە سالا كەتەيىك, بۇعان دەيىن قازاقستان ازاماتى لوندوننىڭ بەدەلدى اۋدانىنا مەر بولىپ سايلانعانىن جازعان ەدىك.
