ءزۇلفيا سۇلەيمەنوۆا 1990 جىلى اقتوبە قالاسىندا دۇنيەگە كەلگەن. ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ تۇلەگى. پرەزيدەنتتىك جاستار كادرلىق رەزەرۆىنىڭ مۇشەسى.
ەڭبەك جولىن 2014 جىلى جاھاندىق ساياسات جانە قاۋىپسىزدىك ورتالىعىنىڭ وڭىرلىك جانە جاھاندىق قاۋىپسىزدىك ءبولىمىنىڭ عىلىمي قىزمەتكەرى لاۋازىمىنان باستادى.
2020 جىلعى قاڭتار ايىنان باستاپ 2021 جىلعى قاڭتار ايى ارالىعىندا قازاقستان رەسپۋبليكاسى ەكولوگيا, گەولوگيا جانە تابيعي رەسۋرستار مينيسترلىگى ەكولوگيالىق ساياسات جانە تۇراقتى دامۋ دەپارتامەنتى مەن كليماتتىق ساياسات جانە جاسىل تەحنولوگيالار دەپارتامەنتىنىڭ ديرەكتور ورىنباسارى لاۋازىمدارىندا جۇمىس اتقاردى.
2021 جىلعى قاڭتار ايىنان باستاپ 2022 جىلعى ناۋرىز ايى ارالىعىندا قازاقستان رەسپۋبليكاسى پارلامەنت ءماجىلىسىنىڭ دەپۋتاتى بولدى.
2022 جىلى قازاقستان رەسپۋبليكاسى ەكولوگيا, گەولوگيا جانە تابيعي رەسۋرستار ۆيتسە-ءمينيسترى بولدى.
2023 جىلى 4 قاڭتاردا مەملەكەت باسشىسىنىڭ جارلىعىمەن قازاقستان رەسپۋبليكاسىنىڭ ەكولوگيا, گەولوگيا جانە تابيعي رەسۋرستار ءمينيسترى بولىپ تاعايىندالدى.
ەسكە سالايىق, ءزۇلفيا سۇلەيمەنوۆا بيىل 1 قىركۇيەكتە ەكولوگيا, گەولوگيا جانە تابيعي رەسۋرستار ءمينيسترى لاۋازىمىنان بوساتىلعان ەدى.
