ولاردىڭ العاشقى نىسانى م.تىنىشباەۆ اتىنداعى تاريحي-ولكەتانۋ مۇراجايى بولدى. مۇندا كەلگەن ءاربىر ادام جەتىسۋ ايماعىنىڭ بۇكىل تاريحىمەن تانىسا الادى. ودان كەيىن تەكەلى قالاسىنداعى قورا شاتقالىنىڭ قاقپاسىنداعى «بۋددا» ستەللاسى ەكسپەديتسيانىڭ جاس زەرتتەۋشىلەرىن ءتانتى ەتتى. بۋددا تاسى جەردەن ءۇش مەترگە كوتەرىلىپ تۇر. پيراميدا ءتارىزدى ستەللادا بۋدديستىك نىساندار ايشىقتالعان.
ودان ءارى جاس زەرتتەۋشىلەردىڭ جولى قورا وزەنىنىڭ وڭ جاعالاۋىندا جالعاستى. وندا زياتكەرلەر فلورا, فاۋنا جانە الاتاۋ تاۋلارىنىڭ پايدا بولۋ تاريحى بويىنشا زەرتتەۋ ماتەريالدارىن جيناۋمەن اينالىستى.
گەس-1, گەس-2 گيدروەلەكتر ستانسالارىنا ساياحات بالالار ءۇشىن قىزىقتى بولدى. 9-سىنىپ وقۋشىلارى كاريما ماقان جانە اجار ارداقوۆا قورا, تەكەلى وزەندەرىنەن اۋىز سۋ سىناما ماتەريالدارىن الدى. وقۋشىلار الداعى ۋاقىتتا مونوقالاداعى اۋىز سۋ ساپاسىن زەرتتەۋدى جوسپارلاپ وتىر. سونىمەن قاتار ولكەتانۋ-زەرتتەۋ ەكسپەديتسياسىنىڭ قاتىسۋشىلارى كەدەرگىلەردەن ءوتۋ نەگىزدەرى بويىنشا تۋريستىك كۋرستى وتكەردى.
«بۇگىن مەن ءۇشىن ەرەكشە جارىس بولدى, ويتكەنى ول تابيعاتتا, ناقتى پراكتيكا بارىسىندا ءوتتى. قاۋىپسىزدىك تەحنيكاسىمەن جۇمىس ىستەۋدى, ارقان تۇيىندەرىن جاساۋدى, كارابيندەردى قولدانۋدى ۇيرەندىك. قاشىقتىق بيىكتىك پەن مارشرۋتتىڭ قيىندىسى اراسىندا جاقسى ۇيلەسەدى. كوپ اسەر الدىق», دەدى جاس زەرتتەۋشى ءمادي امانگەلدى.
بۇل رەتتە ەكسپەديتسيا مۇشەلەرى ءوڭىردىڭ اسەم تابيعاتىمەن, بىرەگەي فلورا مەن فاۋناسىمەن تانىسا الدى. ءاربىر وسىمدىكتى سۋرەتكە ءتۇسىرىپ, زيانى مەن پايداسىنا ءۇنىلدى.
ء«بىز ەكسپەديتسيا سوڭىندا عىلىمي جوبالار جازامىز. مەنىڭ جوبامنىڭ تاقىرىبى – «جەتىسۋداعى ءتۋريزمدى دامىتۋ الەۋەتى». مەنى ەتنواۋىلدار قۇرۋ يدەياسى قىزىقتىرادى. ءوڭىرىمىزدىڭ ەرەكشەلىكتەرى تۋرالى مالىمەتتەر تەوريالىق تۇرعىدان تالداۋعا كومەكتەسەتىن وي قورىتۋعا نەگىز بولدى», دەيدى 11-سىنىپ وقۋشىسى ءامىر قايناربەكوۆ.
جەتىسۋ وبلىسى
