جاقىندا ساۋدا جانە ينتەگراتسيا ۆيتسە-ءمينيسترى قايرات تورەباەۆ پەن ەۋروپالىق كوميسسيانىڭ وڭتۇستىك كورشىلەر, تاياۋ شىعىس, تۇركيا, رەسەي جانە ورتالىق ازيا بويىنشا باسقارما باسشىسى نەلە ەيححورننىڭ توراعالىعىمەن قازاقستان – ەو ساۋدا كونفيگۋراتسياسىنداعى ىنتىماقتاستىق كوميتەتىنىڭ 6-وتىرىسى وتكەن بولاتىن. وتىرىستا ينۆەستيتسيالىق ىنتىماقتاستىق ماسەلەلەرى تالقىلاندى. اتاپ ايتقاندا, 2022 جىلى ەۋرووداق ەلدەرىنەن قازاقستانعا تارتىلعان تىكەلەي ينۆەستيتسيالار كولەمى cوڭعى 10 جىلدا رەكوردتىق كورسەتكىشتەرگە جەتكەنى ءمالىم بولدى. وتكەن جىلدىڭ قورىتىندىسى بويىنشا ەۋرووداقتان قازاقستان ەكونوميكاسىنا سالىنعان تىكەلەي ينۆەستيتسيالار ايتارلىقتاي ءوسىپ, 1 ملرد 12,5 ملن دوللاردى قۇراعان.
قازىرگى ۋاقىتتا ەۋروپالىق كاپيتالدىڭ قاتىسۋىمەن 3 مىڭنان استام كومپانيا Shell, Eni, Total, Air Liquide, Alstom, Siemens, Linde Group سياقتى الەمدىك الىپتاردى قوسا العاندا, قازاقستان ەكونوميكاسىنىڭ ءتۇرلى سەكتورلارىندا تابىستى جۇمىس ىستەپ جاتىر.
ءوز كەزەگىندە ەلىمىزدە ەو مەملەكەتتەرىنە تاۋار ەكسپورتتاۋ ءىسىن جەتىلدىرۋدە. بۇگىندە ەلىمىز ەو-عا 2,3 ملرد دوللاردان اسا سوماعا وڭدەلگەن تاۋارلاردىڭ 175-تەن اسا ءتۇرىن ۇسىنۋعا دايىن. ولار نەگىزىنەن ماشينا جاساۋ, تەمىر جانە بولات ءوندىرىسى, تاماق ونەركاسىبى جانە اۋىل شارۋاشىلىعى سياقتى سالالاردىڭ ءونىمى. وسى ورايدا ەو-دا وتاندىق ازىق-ت ۇلىك ونىمدەرىنىڭ ەكسپورتتىق تاۋارلار اسسورتيمەنتىن كەڭەيتۋ جايى دا قاراستىرىلىپ جاتىر. سونداي-اق استىقتىڭ ءىرى ءوندىرۋشىسى بولا وتىرىپ, ەلىمىز جاھاندىق ازىق-ت ۇلىك كۇن ءتارتىبىن ىسكە اسىرۋدا ەو-نىڭ ستراتەگيالىق سەرىكتەسى اتانا الادى.
سونىمەن بىرگە ەو مەن قازاقستان اراسىندا تۇراقتى شيكىزات, اككۋمۋلياتورلىق باتارەيالار جانە «جاسىل» سۋتەگى قۇنىن قۇرۋ تىزبەگى سالاسىندا ستراتەگيالىق ارىپتەستىك بويىنشا جول كارتاسىنا قول قويىلدى. اتالعان كەلىسىم بيىل 19 مامىردا الماتى قالاسىندا ەو-وا 2-ءشى ەكونوميكالىق فورۋمى اياسىندا جاسالعان ەدى.
قازاقستان مەن ەۋروپالىق وداق اراسىنداعى تاۋار اينالىمى 2023 جىلدىڭ 3 ايىندا 10,2 ملرد دوللاردى قۇرادى, بۇل وتكەن جىلدىڭ سايكەس كەزەڭىمەن سالىستىرعاندا 12,5%-عا جوعارى (9,1 ملرد دوللار).
